Google Play

Þjónustuskilmálar Google Play

Tekur gildi frá og með 22. janúar 2019 (sjá eldri útgáfu)

1. Inngangur

Gildandi skilmálar. Takk fyrir að nota Google Play. Google Play er þjónusta sem er veitt af Google Ireland Limited („Google“, „við“ eða „okkur“), til heimilis að Gordon House, Barrow Street, Dublin 4, Írlandi. Notkun þín á Google Play og forritinu og leikjunum (þ.m.t. Android skyndiforritum), tónlist, kvikmyndum, bókum, tímaritum eða öðru stafrænu efni eða þjónustu (kölluð „efni“) sem er í boði á því fellur undir þessa þjónustuskilmála Google Play og þjónustuskilmála Google (saman kallaðir „skilmálarnir“). Google Play er „þjónusta“ eins og lýst er í þjónustuskilmálum Google. Ef ósamræmi er á milli þjónustuskilmála Google Play og þjónustuskilmála Google skulu þjónustuskilmálar Google Play vera rétthærri.

2. Notkun þín á Google Play

Aðgangur að og notkun á efni. Þér er heimilt að nota Google Play til að skoða, finna, horfa á, streyma eða hlaða niður efni fyrir farsímann þinn, tölvu, sjónvarp, úr eða annað tæki sem stutt er af þjónustunni („tæki“). Til að nota Google Play þarftu tæki sem uppfyllir tilteknar kerfis- og samhæfingarkröfur. Viðbótarkerfiskröfur kunna að eiga við um efni sem er tiltækt á eða í gegnum Google Play. Framboð á efni og valmöguleikum er breytilegt milli landa og ekki er víst að allt efni sé í boði í þínu landi. Sumu efni kann að vera hægt að deila með fjölskyldumeðlimum. Efni á Google Play er útvegað af Google Commerce Limited, með aðsetur í Gordon House, Barrow Street, Dublin 4, Írlandi. Slíkt efni kann að vera upprunnið annars staðar frá (til dæmis frá forritara, bókaútgefanda, kvikmyndaframleiðanda eða tónlistarútgefanda) (sem er þá „efnisveitan“).

Aldurstakmarkanir. Til þess að nota Google Play verður þú að vera með gildan Google reikning („Google reikningur“), sem er háður eftirfarandi aldurstakmörkunum. Ef þú telst vera ólögráða í þínu landi þarftu heimild frá foreldri þínu eða forráðamanni til að nota Google Play og til að samþykkja skilmálana. Þú verður að fara eftir öllum viðbótaraldurstakmörkunum sem kunna að gilda um notkun tiltekins efnis eða aðgerða á Google Play. Umsjónarmenn fjölskyldna og fjölskyldumeðlimir verða einnig að uppfylla þessar viðbótarkröfur.

Gjöld þriðju aðila. Þú berð ábyrgð á öllum aðgangi eða gagnagjöldum þriðja aðila (svo sem netveitu þinnar eða farsímafyrirtækis) í tengslum við notkun þína og skoðun á efni og Google Play.

Uppfærslur. Google Play, tengd stuðningsgagnasöfn eða efni kann að þarfnast uppfærslu, til dæmis vegna villuleiðréttinga, bættrar virkni, viðbóta sem vantar og nýrra útgáfna (í sameiningu kallað „uppfærslur“). Slíkar uppfærslur kunna að vera nauðsynlegar til þess að hægt sé að nota Google Play eða til að fá aðgang að, hlaða niður eða nota efni. Með því að samþykkja þessa skilmála og með því að nota Google Play samþykkirðu að taka sjálfkrafa við slíkum uppfærslum. Þú getur hugsanlega haft áhrif á uppfærslur á tilteknu efni gegnum stillingarnar á Google Play. Ef það hefur aftur á móti verið ákvarðað að uppfærslan lagfæri mikilvægan öryggisgalla sem tengist efninu kann uppfærslan að fara fram án tillits til uppfærslustillinganna þinna á Google Play eða í tækinu þínu. Ef önnur smáforritaverslun reynir að uppfæra efni sem upphaflega var sótt af Google Play gætirðu fengið viðvörun eða komið gæti verið alfarið í veg fyrir slíkar uppfærslur.

Upplýsingar um þig. Persónuverndarstefna Google lýsir því hvernig við meðhöndlum persónuleg gögn þín og verndum friðhelgi þína við notkun Google Play. Google gæti þurft að gefa efnisveitum upp persónuupplýsingar þínar, s.s. nafn og netfang, í þeim tilgangi að vinna úr færslum þínum eða til að veita þér efni. Efnisveitur samþykkja að nota þessar upplýsingar í samræmi við persónuverndarstefnu sína.

Ef þú ert í fjölskylduhópi á Google Play geta fjölskyldumeðlimir þínir í fjölskylduhópnum séð tilteknar upplýsingar um þig. Ef þú ert umsjónarmaður fjölskyldu í fjölskylduhópi á Google Play sjá fjölskyldumeðlimir sem þú býður í fjölskylduhópinn nafnið þitt, myndina af þér og netfangið þitt. Ef þú gengur í fjölskylduhóp sem fjölskyldumeðlimur geta aðrir fjölskyldumeðlimir séð nafnið þitt, myndina af þér og netfangið þitt. Umsjónarmaður fjölskyldunnar þinnar kann einnig að sjá aldur þinn auk þess sem hann sér skrá yfir öll innkaup þín sem greitt er fyrir með greiðslumáta fjölskyldunnar, þar með talið lýsingu á efninu sem var keypt. Ef efni er tiltækt til deilingar innan fjölskyldunnar og þú deilir því með fjölskylduhópnum þínum geta allir fjölskyldumeðlimir fengið aðgang að efninu og séð að þú keyptir það.

Óheimill aðgangur að reikningum. Þér ber að tryggja öryggi reikningsupplýsinganna þinna og þú mátt ekki deila þeim með öðrum. Þér er óheimilt að safna eða afla persónulegra upplýsinga um nokkurn notanda Google Play eða nokkurn notanda annarrar Google þjónustu í gegnum Google Play, þar með talin eru heiti reikninga.

Óvirkir reikningar. Ef Google lokar fyrir aðgang að reikningnum þínum í samræmi við skilmálana (til dæmis ef þú brýtur efnislega eða endurtekið gegn skilmálunum) er hugsanlegt að þú glatir aðgangi þínum að Google Play, reikningsupplýsingunum þínum eða hverri þeirri skrá eða öðru efni sem geymt er á reikningnum þínum. Sjá nánari upplýsingar í hjálparmiðstöðinni. Ef þú ert umsjónarmaður fjölskyldu á Google Play og Google gerir aðgang að reikningnum þínum óvirkan gætu fjölskyldumeðlimir þínir misst aðgang að fjölskylduvalmöguleikum sem krefjast fjölskylduhóps, svo sem greiðslumáta fjölskyldunnar, fjölskylduáskriftum eða efni sem fjölskyldumeðlimir deila. Ef þú ert meðlimur fjölskyldu á Google Play og Google gerir reikninginn þinn óvirkan missa fjölskyldumeðlimir þínir aðgang að efni sem þú hefur deilt með þeim.

Spilliforritavörn. Til að vernda þig gegn skaðlegum hugbúnaði þriðju aðila, vefslóðum og öðrum öryggisvandamálum getur Google móttekið upplýsingar um nettengingar tækisins, vefslóðir sem hugsanlega eru skaðlegar, stýrikerfið og smáforrit sem sett hafa verið upp í tækinu gegnum Google Play eða annars staðar frá. Google gæti varað þig við ef það telur smáforrit eða vefslóð vera óörugga eða fjarlægt eða komið í veg fyrir uppsetningu smáforrits í tækinu ef vitað er að það sé skaðlegt tækjum, gögnum eða notendum. Þú getur valið að gera einhverjar af þessum verndarráðstöfunum óvirkar í stillingum tækisins, en engu að síður kann Google að halda áfram að taka á móti upplýsingum um smáforrit sem eru sett upp í gegnum Google Play, auk þess sem smáforrit sem sett eru upp í tækinu annars staðar frá verða hugsanlega áfram greind með tilliti til öryggisvandamála án þess að upplýsingar séu sendar til Google.

Android skyndismáforrit. Þegar þú smellir á tengil í tækinu þínu kann Google Play að athuga hvort til sé viðeigandi skyndismáforrit og, ef svo er, opna tengilinn innan skyndismáforritsins. Ef þörf er á kóða til að keyra hluta skyndismáforritsins sem þú færð aðgang að verður hann sóttur í tækið og geymdur þar tímabundið. Hægt er að nálgast smáforritsupplýsingar fyrir skyndismáforrit í Google Play Store. Gögn og stillingar Android skyndismáforrita eru samstillt við tæki sem eru skráð inn með Google reikningnum þínum. Þú getur valið að gera Android skyndismáforrit óvirk í stillingum tækisins.

Breytingar á þessum skilmálum. Ef skilmálarnir breytast er þér gefinn 30 daga fyrirvari og nýju skilmálarnir taka gildi að þeim tíma liðnum. Áframhaldandi notkun þín á Google Play að þeim tíma liðnum gefur til kynna samþykki þitt á nýju skilmálunum. Nýju skilmálarnir gilda um notkun þína á öllu efni (þar á meðal efni sem þú hefur sett upp eða keypt áður) og öllu efni sem þú setur upp eða kaupir síðar. Ef þú samþykkir ekki slíkar breytingar gefst þér kostur á að sækja efnið sem þú hafðir áður keypt eða sett upp og hætta að nota Google Play. Þú getur haldið áfram að skoða það eintak af efninu í tækjunum þínum í samræmi við síðustu útgáfu af skilmálunum sem þú samþykktir.

3. Kaup og greiðslur

Efni á Google Play er útvegað af Google Commerce Limited og þegar þú sækir, skoðar, notar eða kaupir efni á eða með Google Play gengstu undir nýjan samning samkvæmt þessum skilmálum (eftir því sem við á) við Google Commerce Limited.

Forpantanir. Þegar þú forpantar efni er samningurinn um kaup og notkun þess fullgerður um leið og efnið verður tiltækt fyrir þig og þá verður greiðslu krafist. Hægt er að hætta við forpöntunina hvenær sem er fram að þeim tíma sem efnið verður tiltækt. Afturköllun á forpöntun þinni af okkar hálfu fer fram ef efnið er tekið úr sölu gegnum Google Play áður en það er gert tiltækt og við áskiljum okkur rétt til að afturkalla pöntun þína ef um verðbreytingar er að ræða áður en gengið er frá pöntuninni.

Greiðslumáti fjölskyldu. Ef þú ert umsjónarmaður fjölskylduhóps á Google Play þarftu að setja upp gildan greiðslumáta sem fjölskyldumeðlimir nota til að kaupa efni á Google Play og í smáforritum. Þú berð ábyrgð á öllum kaupum fjölskyldumeðlima þinna á efni með greiðslumáta fjölskyldunnar. Ef fjölskylduhópi er eytt eða ef fjölskyldumeðlimur yfirgefur fjölskylduhópinn gætirðu þurft að greiða fyrir kaup fjölskyldumeðlima með greiðslumáta fjölskyldunnar sem eru í bið.

Google greiðslur. Til þess að kaupa efni gegnum Google Play verður þú að vera með greiðslureikning á Google og samþykkja þjónustuskilmála Google greiðslna. Upplýsingar Google greiðslna um persónuvernd gilda þegar þú kaupir efni með Google greiðslureikningi. Þú berð ábyrgð á öllum fjárhæðum sem greiða þarf í tengslum við kaup sem þú framkvæmir á Google Play á greiðslureikningnum þínum á Google.

Aðrar greiðsluaðferðir. Google kann að bjóða þér upp á ýmsar greiðsluaðferðir til viðbótar við Google greiðslur til að gera þér kleift að kaupa efni í gegnum Google Play. Þú verður að hlíta öllum viðeigandi skilmálum eða öðrum lagalegum samningum, hvort sem er við Google eða þriðja aðila, sem gilda um notkun þína á tiltekinni greiðsluaðferð. Google getur bætt við eða fjarlægt greiðsluaðferðir að eigin geðþótta. Þú berð ábyrgð á öllum fjárhæðum sem greiða þarf í tengslum við kaup sem þú framkvæmir á Google Play.

Gjaldgengi fyrir greiðslu gegnum símafyrirtæki. Til þess að ákvarða gjaldgengi þitt til þess að setja efniskaup sem þú framkvæmir í fartækjum á reikning hjá símafyrirtæki þínu munum við senda auðkenni tækisins þíns, t.d. auðkenni áskrifanda og raðnúmer SIM-korts, til símafyrirtækisins þegar þú stofnar Google Play reikning í tæki. Til að heimila þetta þarftu að samþykkja þjónustuskilmála símafyrirtækisins. Símafyrirtækið kann að senda okkur upplýsingar um heimilisfang greiðanda. Við munum geyma og nota þessar upplýsingar í samræmi við persónuverndarstefnu Google og upplýsingar Google greiðslna um persónuvernd.

Verð. Verð og framboð á öllu efni sem birt er gegnum Google Play getur breyst hvenær sem er fram að kaupum.

Skattar. „Skattar“ merkja hvers kyns gjöld, tolla, greiðslur eða skatta (aðra en tekjuskatt) í tengslum við sölu á efni, þar á meðal allar tengdar álögur eða vexti. Þú berð ábyrgð á hvers kyns sköttum og verður að greiða fyrir efnið án nokkurs skattafrádráttar. Ef Google eða Google Commerce Limited ber skylda til að innheimta eða greiða skatta verða skattarnir innheimtir hjá þér. Þú verður að fara að öllum gildandi skattalögum, þar með talið skýrslugerð og greiðslu hvers kyns skatta sem greiða skal í tengslum við notkun þína á Google Play eða kaup á efni á eða gegnum Google Play. Tilkynningar og greiðslur allra slíkra gildandi skatta eru á þína ábyrgð.

Öll sala endanleg. Frekari upplýsingar um réttindi þín til að afturkalla, hætta við eða skila keyptu efni gegn endurgreiðslu má finna í reglum um endurgreiðslu Google Play. Nema að því leyti sem skýrt er tekið fram í reglum um endurgreiðslu Google Play eða í endurgreiðslustefnum veitandans er öll sala endanleg og engin skil, skipti eða endurgreiðslur eru leyfðar. Ef skipti, skil eða endurgreiðsla er heimiluð vegna einhverra viðskipta kunna viðskiptin að verða afturkölluð og þú hefur þá hugsanlega ekki lengur aðgang að efninu sem þú fékkst aðgang að með viðskiptunum.

Úrskurður deilumála neytenda utan dómstóla. Google Commerce Limited skuldbindur sig hvorki til né ber skylda til að leysa deilumál frammi fyrir úrskurðaraðila í deilumálum utan dómstóla.

Réttur til að afturkalla stafrænt efni. Ef þú ert að kaupa sem neytandi hefurðu lögum samkvæmt sjálfkrafa lögbundinn rétt til afturköllunar samninga vegna kaupa á stafrænu efni á Google Play (fyrir utan kaup á stökum dagblöðum eða tímaritum í Newsstand). Hið sama gildir þegar þú kaupir áskrift að stafrænu efni. Þegar þú kaupir stafrænt efni á Google Play samþykkirðu aftur á móti að stafræna efnið verði tafarlaust tiltækt fyrir þig, og þú viðurkennir að af því leiði að þú afsalir þér sjálfkrafa lögbundnum rétti þínum til afturköllunar. Ef um forpantanir er að ræða afsalarðu þér sjálfkrafa lögbundnum rétti þínum til afturköllunar eftir að varan er orðin tiltæk fyrir þig.

Réttur til að afturkalla þjónustu. Ef þú ert að kaupa sem neytandi hefurðu rétt samkvæmt lögum til að afturkalla samninga vegna kaupa á þjónustu innan 14 daga án þess að þurfa að gefa upp neina ástæðu. Afturköllunartímabilið rennur út 14 dögum eftir að samningurinn hefur verið gerður. Til þess að nýta þér rétt þinn til afturköllunar verðurðu að upplýsa Google Commerce Limited um þá ákvörðun þína að afturkalla þennan samning með skýrri yfirlýsingu. Þú getur notað þessa fyrirmynd að afturköllunareyðublaði. Það er líka mögulegt að hafa samband við Google Commerce Limited, c/o Customer Support, Gordon House, Barrow Street, Dublin 4, Írlandi eða óska eftir endurgreiðslu hér.

Þú færð staðfestingu á slíkri afturköllun gegnum varanlegan miðil (t.d. með tölvupósti) án óþarfa tafa. Til þess að ná að afturkalla í tíma nægir þér að senda upplýsingar um að þú hyggist nýta þér rétt þinn til afturköllunar áður en afturköllunartímabilið er liðið.

Ef þú afturkallar þennan samning færðu allar greiðslur þínar samkvæmt samningnum endurgreiddar án óþarfa tafa og eigi síðar en 14 dögum frá því að ákvörðun þín um að afturkalla þennan samning berst Google Commerce Limited. Við munum framkvæma slíka endurgreiðslu með sama greiðslumáta og þú notaðir fyrir upphaflegu færsluna, nema þú hafir sérstaklega samið um annað, og slík endurgreiðsla mun ekki hafa í för með sér nein gjöld.

Ef þú óskaðir eftir að hefja notkun þjónustunnar á afturköllunartímabilinu gætirðu þurft að greiða upphæð í hlutfalli við veitta þjónustu þangað til þú hefur tilkynnt okkur að þú viljir afturkalla þennan samning, í samanburði við heildargildi samningsins.

Endurgreiðslur. Google býður viðbótarrétt til endurgreiðslna fyrir nokkrar gerðir efnis á Google Play, eins og sett er fram í endurgreiðslureglum Google Play.

Áskriftir. Þegar þú gerist áskrifandi að efni gegnum Google Play færðu áframhaldandi aðgang að því efni nema þú segir áskriftinni upp. Innheimt er sjálfkrafa fyrir áskriftir við upphaf hvers greiðslutímabils (hvort sem er vikulega, mánaðarlega, árlega eða á öðru tímabili), og ekki verður innheimt fyrr en sólarhring fyrir upphaf hvers greiðslutímabils.

(a) Prufutímabil. Þegar þú gerist áskrifandi að efni fyrir tiltekið verð færðu hugsanlega aðgang að áskriftarfríðindum efnisins án endurgjalds á tilteknu prufutímabili, en eftir það verður innheimt greiðsla þangað til þú segir áskriftinni upp. Til að forðast innheimtu greiðslu verðurðu að segja áskriftinni upp áður en prufutímabilinu lýkur. Um leið og prufuáskriftin er afturkölluð missirðu samstundis aðganginn að viðkomandi forriti og öllum áskriftarfríðindum, nema annað sé tekið fram. Aðgangur að slíkum prufutímabilum kann að vera takmarkaður við ákveðinn fjölda af prufutímabilum fyrir hvern notanda á ákveðnu tímabili, eða háður öðrum takmörkunum.

(b) Afturkallanir. Þú getur afturkallað áskrift hvenær sem er fyrir lok gildandi greiðslutímabils eins og lýst er í hjálparmiðstöðinni og þá gildir afturköllunin fyrir næsta tímabil. Ef þú kaupir til dæmis mánaðaráskrift geturðu sagt þeirri áskrift upp hvenær sem er í hvaða áskriftarmánuði sem er og þá verður áskriftin afturkölluð frá og með næsta mánuði. Þú færð ekki endurgreitt fyrir núverandi greiðslutímabil nema annað komi fram í reglum Google Play um endurgreiðslur (til dæmis þegar efnið er gallað). Áskrift að Google Play Newsstand: Áskrift að Google Play Newsstand: Þú heldur áfram að fá efni og uppfærslur (ef slíkt á við) samkvæmt viðkomandi áskrift þar til yfirstandandi greiðslutímabili lýkur. Eftir að því greiðslutímabili lýkur mun aðgangur áfram vera til staðar að tölublöðum tímarita sem þegar hafa verið send en aðgangi að greiddu fréttaefni verður lokað þegar greiðslutímabili lýkur og áskriftin hefur verið afturkölluð. Ef þú segir upp áskrift á ókeypis prufutímabili heldur þú aðgangi að þeim tölublöðum tímarita sem þú notar á prufutímanum en missir aðgang að fréttaefni. Áskrift að Google Play Music: Ef þú segir upp áskrift þinni að Google Play Music hefur þú áfram aðgang að áskriftarefni Google Play Music þar til yfirstandandi greiðslutímabili lýkur en aðganginum er lokað þegar því tímabili lýkur sem áskriftin er afturkölluð á. Ef hætt er við áskriftina að Google Play Music meðan á prufutímabili stendur heldurðu ekki aðganginum að áskriftarefni Google Play Music sem þú fékkst aðgang að á prufutímabilinu.

Lækkað verð fyrir prentáskrifendur. Sumir tímaritaútgefendur kunna að gefa þér kost á að kaupa áskrift að tímaritum á Google Play með afslætti ef þú ert þegar með prentáskrift. Ef þú segir upp prentáskrift að því tímariti eða ef prentáskriftin rennur út og þú endurnýjar hana ekki verður tilboðsáskriftarverð þitt að viðkomandi efni í Google Play afturkallað sjálfkrafa.

(d) Verðbreytingar. Þegar þú kaupir áskrift verður fyrst innheimt samkvæmt því verði sem var í gildi þegar þú gerðir samning um áskrift. Ef verðið fyrir áskriftina hækkar síðar lætur Google þig vita. Hækkunin gildir fyrir næstu greiðslu sem greiða á eftir tilkynningu þar um, að því gefnu að þú hafir fengið að minnsta kosti 14 daga fyrirvara áður en innheimt er. Ef þú færð minna en 14 daga fyrirvara gildir verðhækkunin ekki fyrr en greiða á þarnæstu greiðslu. Ef þú vilt ekki borga hærra verð fyrir áskriftina geturðu sagt henni upp eins og lýst er í hlutanum „Afturkallanir“ og þá þarftu ekki að greiða frekar fyrir áskriftina, að því gefnu að þú hafir látið okkur vita innan yfirstandandi greiðslutímabils. Þar sem útgefandi hækkar verð áskriftar og samþykkis er krafist kann Google að segja upp áskriftinni nema þú samþykkir nýja verðið. Ef áskriftinni er sagt upp og þú ákveður síðar að gerast áskrifandi á ný greiðir þú núverandi áskriftarverð.

4. Réttindi og takmarkanir

Leyfi til að nota efni. Eftir að færslu er lokið eða viðeigandi gjöld hafa verið greidd fyrir efni færð þú almenn réttindi, þó eingöngu eins og veitt er skýlaust leyfi fyrir í þessum skilmálum, til að geyma, fá aðgang að, skoða, nota og birta afrit af viðeigandi efni í tækjunum þínum eða á annan hátt samkvæmt leyfi sem hluta af þjónustunni og eingöngu til einkanota en ekki í viðskiptalegum tilgangi. Allur réttur, titlar og eignarhluti sem tilheyra Google Play og efninu og þér eru ekki veittir með skýrum hætti í skilmálunum eru áskildir. Notkun þín á smáforritum og leikjum kann að falla undir gildissvið viðbótarskilmála notandaleyfissamningsins milli þín og veitandans.

Brot á leyfisskilmálum. Ef þú brýtur einhver takmörkunarákvæði sem varða efni í skilmálunum, brýtur efnislega eða endurtekið gegn einhverjum öðrum skilmálum eða þú sætir rannsókn af hendi okkar vegna gruns um misferli kann Google að segja upp aðgangi þínum að Google Play, efninu og/eða Google reikningnum þínum, án endurgreiðslu til þín, og réttindi þín samkvæmt leyfi þessu verða afturkölluð tafarlaust. Við sendum þér tilkynningu þar sem ástæðan fyrir slíkri aðgerð er útskýrð, að því undanskildu að við höfum rökstuddan grun um að slíkt myndi skapa lagalega ábyrgð fyrir Google eða annan aðila, myndi hindra rannsókn, myndi stofna vörum, þjónustu eða kerfi Google í hættu, myndi valda notendum okkar skaða eða bryti gegn lögum eða tilskipunum löggæsluyfirvalda. Sjá frekari upplýsingar í „Óvirkir reikningar“ í 2. lið.

Takmarkanir: Þú mátt ekki:

Ákvæði þriðju aðila. Þrátt fyrir hvað sem kann að stangast á við þessa skilmála eru þeir þriðju aðilar sem bjóða efni sitt á Google þriðju aðilar sem eru rétthafar samkvæmt þessum skilmálum, eingöngu hvað varðar þau ákvæði þessara skilmála sem varða efni þeirra beint („ákvæði þriðju aðila“), og eingöngu í þeim tilgangi að gera viðkomandi þriðju aðilum kleift að framfylgja rétti sínum á slíku efni. Til að taka af allan vafa veitir ekkert í þessum skilmálum þriðja aðila sem er rétthafi rétt gagnvart nokkrum aðila hvað varðar nokkur ákvæði sem ekki falla undir ákvæði þriðju aðila, sem felur í sér en takmarkast ekki við ákvæði eða samþykktir sem felld eru inn til hliðsjónar eða sem kann að vera vísað til án þess að þau séu felld inn í þessa skilmála.

Reglur Play. Birting umsagna á Google Play er háð eftirfarandi reglum. Ef þú vilt tilkynna misnotkun eða önnur brot hvað varðar efni skaltu smella hér.

Gallað efni. Þegar efni stendur þér til boða í gegnum reikninginn þinn ættirðu að athuga efnið eins fljótt og auðið er til að tryggja að það virki rétt og eins og það á að gera, og láta okkur eða veituna vita eins fljótt og auðið er ef þú finnur einhverjar villur eða galla. Nánari upplýsingar er að finna í reglum um endurgreiðslur Google Play.

Efni fjarlægt eða ótiltækt. Með fyrirvara um skilmálana stendur efni sem þú kaupir eða setur upp þér til boða í gegnum Google Play í þann tíma sem þú velur, ef um er að ræða greiðslu fyrir leigutímabil, og í öðrum tilvikum svo lengi sem Google hefur rétt til að gera slíkt efni aðgengilegt fyrir þig. Í ákveðnum tilvikum (til dæmis ef Google missir viðeigandi réttindi, hættir að bjóða upp á tiltekna þjónustu eða efni eða brotið er gegn viðeigandi skilmálum eða lögum) getur Google fjarlægt tiltekið efni sem þú hefur keypt úr tækinu þínu eða hætt að veita þér aðgang að því. Þú kannt að fá tilkynningu um slíka fjarlægingu eða stöðvun ef því verður viðkomið. Ef þú getur ekki sótt afrit af efninu fyrir slíka fjarlægingu eða stöðvun kann Google að bjóða þér annaðhvort: (a) að skipta efninu út ef það er hægt eða (b) endurgreiðslu að hluta eða í heild á verði efnisins. Ef Google endurgreiðir þér skal endurgreiðsla kaupverðsins vera eina úrræðið sem þér stendur til boða.

Margir reikningar. Ef þú ert með marga Google reikninga með mismunandi notendanöfn getur þú stundum flutt efni af einum reikningi og yfir á annan, að því gefnu að þú sért eigandi sérhvers slíks reiknings og að því gefnu að Google hafi virkjað eiginleika í viðkomandi þjónustu sem heimilar slíka tilfærslu.

Takmarkanir á aðgangi í tækjum. Google getur öðru hverju sett takmarkanir á fjölda tækja og/eða smáforrita sem þú getur notað til að fá aðgang að efni. Farðu á síðuna hjálparmiðstöð Google Play Music eða á notkunarreglur Google Play Movies & TV til að fá nánari upplýsingar um þessar takmarkanir fyrir Google Play Music eða Google Play Movies & TV.

Hættuleg starfsemi. Ekkert af þjónustunni eða efninu er ætlað til notkunar í starfsemi kjarnorkuvera, búnaðar til stuðnings lífi, neyðarboðskipta, flugvéla eða samskiptakerfa, flugumferðarstjórnkerfa eða annarri slíkri starfsemi þar sem bilun í þjónustunni eða efninu gæti leitt til dauðsfalls, líkamstjóns, alvarlegra efnislegra skemmda eða umhverfisspjalla.

Google Play Movies & TV. Nánari upplýsingar og takmarkanir varðandi aðgang þinn að og notkun þína á Google Play Movies & TV er að finna í notkunarreglum Google Play MOvies & TV.

Google Play Music

Google Play gerir þér kleift að skoða, forskoða, streyma, kaupa, sækja, mæla með og nota ýmiss konar stafræna tónlist og tónlistartengt efni eins og tónlistarskrár, tónlistarmyndefnisskrár, sýnishorn, hljóðskrár, upplýsingar um tónlistarmenn, umsagnir notenda, tónlistargagnrýni fagmanna á vegum þriðju aðila og annað stafrænt efni („tónlistarvörur“).

Vistað efni. Þú getur notað Google Play til að vista stafrænt efni (til dæmis tónlistarskrár, tengd lýsigögn og plötuumslög) í tónlistargeymslunni gegnum tónlistarhugbúnaðinn, sem hvort um sig er skilgreint hér á eftir („vistað efni“). Til að taka af allan vafa er „vistað efni“ ekki innifalið í „tónlistarvörum“. Vistað efni nær bæði yfir skrár sem þú hleður beint upp í tónlistargeymsluna og skrár sem Google „skannar og leitar að samsvörunum“ fyrir við skrár sem eru vistaðar í tækinu þínu.

Þjónusta tónlistarsafns. Google Play getur veitt þér aðgang að (a) plássi á netþjóni sem þú getur notað til að geyma tónlist og tilheyrandi gagnaskrár, þar á meðal tónlist og vistað efni („tónlistargeymsla“) eða (b) hugbúnaði (þ.m.t. vef-, tölvu- og farsímahugbúnaði) og tengdri þjónustu sem gerir þér kleift að hlaða inn, hafa umsjón með og spila tónlist í gegnum tónlistargeymsluna („tónlistarhugbúnaður“). Tónlistargeymsla og tónlistarhugbúnaður nefnast í sameiningu „þjónusta tónlistarsafns“ í þessum skilmálum.

Notkun á þjónustu tónlistarsafns. Með því að geyma tónlist og vistað efni í tónlistarsafni vistar þú einstakt eintak af efninu og óskar eftir því að Google geymi það fyrir þig og geri það aðgengilegt þér gegnum reikninginn þinn á Google Play. Með því að nota þjónustu tónlistarsafnsins óskar þú eftir að Google geri allar nauðsynlegar aðgerðir og eiginleika aðgengilega þér til þess að greiða fyrir notkun þinni á tónlist og vistuðu efni. Þú skilur að til þess að ljúka nauðsynlegum tæknilegum skrefum sem þú ferð fram á kann Google, til þess að veita þér þjónustu tónlistarsafns, að (a) senda tónlist og vistað efni yfir mismunandi netkerfi og á mismunandi miðlum og (b) gera breytingar á tónlist og vistuðu efni sem nauðsynlegar eru til að framfylgja eða aðlagast tæknilegum kröfum kerfa, tækja, þjónustu eða miðla sem tengst er. Þú staðfestir og ábyrgist við Google að þú hafir tilskilin réttindi til að geyma í tónlistargeymslu allt vistað efni sem þú felur Google að hlaða inn eða vista í tónlistargeymslunni, og til að fela Google að framkvæma aðgerðirnar sem lýst er í þessum hluta.

Önnur áskriftarþjónusta Google. Notkun þín á Google Play og öllum áskriftarvörum Google Play Music er háð þessum skilmálum einvörðungu og ekki skilmálum nokkurrar annarrar Google vöru, s.s. annarrar Google vöru sem þú færð aðgang að Google Play Music áskrift í gegnum.

Google Play Books. Persónuverndarstefna Google Play for Books lýsir meðhöndlun okkar á persónulegum upplýsingum og tilteknum öðrum upplýsingum sem verða til við notkun þína á bókum.

Google Play Newsstand.

Upplýsingar sem Google deilir með áskrifendum tímarita. Ef þú kaupir hvers kyns tímaritsáskrift að efni í Google Play kann Google að deila nafninu þínu, netfangi, heimilisfangi og einstöku auðkenni með útgefanda tímaritsins. Þar sem þú ert áskrifandi að tímaritinu kann Google einnig að deila lestrarferli þínum í tímaritinu með útgefanda þess. Google hefur samið við útgefendur tímarita um að þeir noti þessar upplýsingar í samræmi við persónuverndarstefnu útgefandans. Þér gefst kostur á að afþakka öll samskipti við útgefandann sem ekki varða áskriftina sem þú ert að kaupa og að afþakka auglýsingaefni frá þriðju aðilum þegar þú kaupir áskriftina. Ef þú kaupir eintak af tímariti í Google Play kann Google að gefa útgefanda tímaritsins upp póstnúmerið þitt. Við veitum einnig útgefendum tímarita upplýsingar um sölu tímarita.

Staðfesting á prentáskrift. Ef þú færð aðgang að áskrift í Google Play Newsstand í gegnum prentáskrift sem þú varst með fyrir hjá sama útgefanda kunnum við í þeim tilgangi að biðja útgefanda tímaritsins um staðfestingu á prentáskrift þinni og óska eftir tilteknum upplýsingum frá þér varðandi prentáskriftina. Google notar þessar upplýsingar í samræmi við persónuverndarstefnu sína. Google notar þessar upplýsingar í samræmi við persónuverndarstefnu Google.