Boy Ayol

Kitoblar Olami

Contém anúncios

Sobre este app

Менинг назаримда Ким замонавий аёлларнинг намунаси:
қувноқ, яхши дўст, чиройли, ақлли ва бой. Пул ва сармоядор-
лик ҳақида гап кетса, ишонинг, у нима деяётганини яхши
билади. Тўгри, у қачонлардир ҳеч нарсани билмасди, аммо у
кўз олдимда шогирдликдан экспертга айланди. У бошқалар-
га ўргатаётганини ўзи ҳам амалда қилади. Мен бу китобга
сўзбошини чуқур эҳтиром билан - энг яқин дўстим, иш юза-
сидан ҳамкорим ва рафиқам учун ёздим.

РОБЕРТ КИЙОСАКИДАН СЎЗБОШИ
Айтишларича, ҳар бир муваффақият қозонган тадбир-
корнинг ортида кучли аёл турган бўлади. Мен рафиқам Ким
бўлмаганида бунчалар муваффақият ва ютуқларга эришма-
ган бўлардим. Баъзан “Агар уни учратмаганимда ҳозир ҳо-
латим қандай бўлар эди?” деб ўйлаб қоламан.
Олдинига унинг гўзаллиги ром қилганди. Биринчи учра-
шувдаёқ унинг чиройини янада безаб турадиган ақл-зако-
вати ҳам борлигини сездим. Рафиқам Ким жуда ақлли аёл.
Яқиндан танишганимиздан кейин унинг ички олами ташки-
сидан-да гўзаллигини тушуниб етдим. Ва мен уни янада қат-
тиқроқ севиб қолдим.
Қолаверса, унинг феъл-атворининг кучли томонлари ҳа-
ётимизнинг оғир кунларида кўрина бошлади. Аёлимнинг
қатъиятлилиги тўсиқларни бирин-кетин енгиб ўтишимизда
катта ёрдам берди, рафиқамсиз буни ўзим аниқ эплай олма-
ган бўлардим. Кўп бора пулсиз қолганимизда, уйсиз кўчада
сарсон бўлганимизда, тагимизда бирор ҳаракатланадиган ав-
томобилсиз юрганимизда у мени сабрга чорларди, юпатарди,
мен эса ёш боладай тинмай кўз ёш қилардим. Рафиқам ме-
нинг суянчиғим эди, у мен ҳатто ўзимга ишончимни йўқот-
ганимда ҳам барибир менга ишонарди.