وصلة - وفر فلوسك

Wasla Browser LLC‏

يتضمن إعلانات

لمحة عن هذا التطبيق

مع متصفح وصلة هتقدر تبحث عن أي حاجة وتتسوق أونلاين وتوفر فلوسك كمان، لأن وصلة هو متصفحك الأول للشوبينج أونلاين.

مهمة وصلة الرئيسية هي مساعدتك على التوفير وانت بتستخدم الإنترنت، سواء كان توفير في الداتا أو توفير في الفلوس اللي بتدفعها وانت بتشتري أي حاجة أونلاين.

وعشان الإنترنت يكون أفضل، تم تصميم متصفح وصلة بحيث يكون أول متصفح للهواتف بميزة تساعدك توفر وانت بتتسوق من خلال الماركات والمتاجر اللي بتفضلها.. يعني هتشتري أكتر وتدفع أقل.

استخدام متصفح وصلة في التصفح ممكن يكون مشابه لمعظم المتصفحات الأخرى، لكن المميّز هو لما تزور مواقع شركاء وصلة اللي بيزيدوا عن 50 متجر وبراند (جوميا، نون، اتش آند ام، وغيرهم…)، وصلة هيكون معاك وهيجيبلك أفضل عروض التوفير وأكواد الخصم بضغطة زرار واحدة!

استخدام ميزة التوفير سهل جدًا.. هتفتح وصلة، تدخل على الموقع اللي عايز تشتري منه، انسخ كود الخصم اللي وصلة هيرشحهولك، واستخدمه وانت بتدفع فاتورة اللي عايز تشتريه، وهتلاقي نفسك وفرت واستفدت.

مميزات وخصائص وصلة:

مُحرّك بحث قوي من جوجل | جوجل بيتعامل يوميًا مع أكتر من 5.6 مليار عملية بحث، وطبعًا وصلة كمان يقدر يتعامل مع كل عمليات البحث اللي انت عايزها.. سيرش براحتك على وصلة واسأل على أي حاجة عايز تعرفها.

روابط سريعة للي انت عايزه | عشان كل حاجة تكون سهلة، وصلة جمعلك مجموعة من الروابط السريعة الخاصة بالمواقع اللي بتحبها وبتستخدمها كتير، على الصفحة الرئيسية من المتصفح، زي: (نون، جوميا، فيسبوك، يوتيوب، إنستجرام، تيك توك) وتقدر كمان تعدل وتبدّل براحتك.

محتوى مُخصص | مُحرك ترشيحات هيقدملك محتوى يهمك ويساعدك تعرف الجديد، سواء في الترند أو عالم الشوبينج والموضة والأفكار الجديدة، عشان تعيش التوفير.

خاصية التوفير | وصلة كمان بيقدملك خاصية مميزة عبارة عن مساعد ليك أونلاين بيدوّرلك على أفضل الخصومات والأسعار، هتظهرلك بمجرد ما تزور أي موقع من مواقع شركاء وصلة.

صفحة العروض | لأن مهمة وصلة هي تقديم إنترنت أفضل، عملك صفحة مخصصة جمعلك فيها كل أجمد العروض المتاحة أونلاين، بحيث توفر تعب ووقت وانت بتدوّر على توفير فلوسك.

علامات التبويب | اتصفح براحتك على وصلة وافتح أكتر من تبويب، وهتقدر بكل سهولة وسرعة تبدل ما بينهم.
المهام | وصلة عايزك دايمًا تكون مستفيد من القعدة على النت، عشان كده صفحة المهام على وصلة هي عبارة عن استطلاعات رأي وألعاب وفيديوهات، كل ما هتخلصها كل ما هتكسب نقط تُضاف لمحفظتك على وصلة.

التقييمات والتعليقات

البرنامج كان كويس جدا لحد ما نزلت التحديث الأخير وظهرت المشاكل زي كل ما بسجل الدخول يقولي حدث خطأ و مشكلة ان عدد النقاط ثابت مهما اتصفحت عبر التطبيق وتواصلت مع الدعم ومقدمش حل اتمنى حل المشاكل في أسرع وقت لان التطبيق لو استمر بالنظام ده تقييمه هينزل جامد