Дубовые яблочкі: апавяданні

Вольга Касцюк

Aug 2025 · Skaryna Press

About this ebook

Героі гэтых апавяданняў не звязаны паміж сабой, але іх гісторыі паяднаны адзіным мінулым і ўплеценыя ў падзеі, якія нікога з нас не пакінулі ўбаку. Адных герояў і гераіняў пазнаеш адразу; у іншых гісторыях і дыялогах бачыш сябе, сяброў або суседзяў. „Дубовые яблочкі“ — гэта шчыры і смелы праект асабістага летапісу, які пачынаецца па-руску, а заканчваецца на беларускай мове і на роднай аўтарцы паляшуцкай гаворцы.

АД АЎТАРКІ

„Дубовые яблочкі“ пачыналіся з пратэстаў у 2020 го­дзе. На той час я ўжо восем год жыла ў Новай Зеландыі (Аатэароа) і не магла выходзіць на беларускія вуліцы, таму вырашыла пратэставаць сваімі апавяданнямі. Так на­ра­дзі­ліся многія тэксты гэтага зборніка. Пасля ўварвання Расіі ва Украіну ў ім з’явіліся апавяданні пра вайну. Тады ж мяне пачало разрываць знутры, і мой лепшы сябра Б нагадаў мне, што мая бабуля, да якой я кожны дзень на ровары ездзіла па малако, была беларуска­моў­най і што разам з гэтым малаком я ўсмактала бе­ла­рускую мову. У той час я вельмі скептычна ад­нес­ла­ся да гэтага напаміну, але пасля амаль трыццаці год вырашыла пачаць пісаць па-беларуску. Так у „Дубовых яблочок“ з’явіўся другі раздзел — „Мова“.

Назва першага раздзела, „Язык.“, заканчваецца кроп­кай, а ў другім, „Мова“, яе няма. Гэта таму, што з языком я скончыла свае адносіны, а вось з мовай мае стасункі толькі пачынаюцца.

About the author

Вольга Касцюк жыве ў Новай Зеландыі (Аатэароа). Яе апавяданні, вершы, эсэ і пераклады публікаваліся ў часопісах, анталогіях і анлайн-выданнях па ўсім свеце. У сваёй творчасці яна часта закранае тэмы, актуальныя для фемінісцкай літаратуры, пытанні дэкаланізацыі і моў.