About this ebook
Для Дорыяна Грэя, асляпляльна вабнага маладзёна ў віктарыянскім Лондане, адказ быў просты — усім. Калі бліскуча разумны лорд Генры Уотан напаўняе ўразлівы розум Дорыяна спакуслівай філасофіяй, той выказвае лёсавызначальнае жаданне, сакрэт якога захавае партрэт.
Упершыню апублікаваны ў 1890 годзе, твор выклікаў скандал: у кожным радку прыстойнае грамадства пазнавала сябе. Адзіны раман Оскара Уайльда застаецца адной з самых яркіх залацінак англамоўнай літаратуры. Гэты твор знішчальнай дасціпнасці на скрыжаванні гатычнай прозы, сацыяльнай сатыры і філасофскай прытчы захапляе сваёй маральнай складанасцю. з хірургічнай дакладнасцю і заразнай весялосцю О. Уайльд выкрывае крывадушнасць і запытвае чытача: дзеля чаго ты жывеш?
Пад зіхатлівай паверхняй тэксту цячэ далікатная квір-плыня: захапленне мастака Бэзіла Холварда Дорыянам, набрыняная недасказанасцю блізкасць паміж персанажамі і таямнічае жыццё галоўнага героя агучваюць невымоўныя ў пурытанскім грамадстве жаданні. Раман быў выкарыстаны ў судзе як доказ злачыннай разбэшчанасці аўтара. Для яго ж твор стаў зашыфраваным аўтапартрэтам мастака, які разумее кошт прыгожага і небяспеку таемнага.
Спакуслівы, вусцішны і бясконца цытаваны раман — літаратурная класіка і люстэрка для кожнай эпохі.
Discover more
About the author
Оскар Уайльд (1854–1900) — бліскучая і трагічная постаць сусветнай літаратуры. Ён нарадзіўся ў Дубліне, атрымаў адукацыю ў Оксфардзе і вельмі хутка скарыў лонданскую публіку сваёй вострай дасціпнасцю, экстравагантнасцю і — так выглядала — невычэрпным талентам да афарызму. Ён станавіўся, так бы мовіць, самым папулярным прадметам для размоў у салоне — у любым салоне.
За яркімі манерамі хаваўся пісьменнік надзвычайнай глыбіні. П’есы, паэзія, эсэ і адзіны раман О. Уайльда падымаюць пытанні эстэтыкі, маралі, ідэнтычнасці, а таксама — крывадушша і бязлітасці добрапрыстойнага грамадства, якое патрабуе паслухмянасці, але патаемна захапляецца безліччу трансгрэсій. Жыццё О. Уайльда скончылася катастрофай: ён быў асуджаны і пакараны за тое, кім ён быў, а не за тое, што зрабіў. Ён памёр у Парыжы ва ўзросце сарака шасці гадоў, але яго словы перажылі ўсё, што было скіравана супраць яго. Яны працягваюць захапляць, правакаваць і бянтэжыць чытацтва да сёння.