Tesdopi តេស្ត១២

EDEMY CO., LTD

এপৰ ভিতৰত ক্ৰয় সুবিধা

এই এপ্‌টোৰ বিষয়ে

ចូលរួមពង្រឹងសមត្ថភាពជាមួយសិស្សជាង 250K នាក់នៅក្នុងអេប Tesdopi ! តាមការស្រាវជ្រាវរបស់អង្គការ UNDP Accelerator Lab (2020) សិស្ស Tesdopi កើនពិន្ទុ 22% ក្នុងការធ្វើតេស្តគណិតវិទ្យា និងវិទ្យាសាស្ត្របន្ទាប់ពីរៀនបានត្រឹមតែ 3 ខែ ជាមួយអេបតេស្ត១២។

អេប Tesdopi ផ្តល់ជូនមេរៀន និងតេស្ត ជាង 30,000 លើមុខវិជ្ជា គណិត រូប គីមី ជីវៈ ចាប់ពីថ្នាក់ទី ៧ ដល់ទី ១២ ដែលសិស្សអាច៖

វាស់ស្ទង់សមត្ថភាពរបស់អ្នក

វាស់ស្ទង់សមត្ថភាពលើមុខវិជ្ជាវិទ្យាសាស្ត្រ និងសង្គមរបស់អ្នកជាមួយនឹងមុខងារ «ធ្វើតេស្តសមត្ថភាព» របស់ Tesdopi ។ Tesdopi ផ្តល់នូវការធ្វើតេស្តសមត្ថភាពលម្អិត គ្រប់មេរៀនទាំងអស់ពីថ្នាក់ទី ៧ ដល់ទី ១២ ។ តេស្តសមត្ថភាព មិនត្រឹមតែជួយសិស្ស អោយរៀនស្ទាត់ប៉ុណ្ណោះទេ តែវាជួយសន្សំពេលវេលា ដោយជួយអោយពួកគាត់ផ្តោតលើចំនុចដែលនៅខ្វះខាត ជាជាងការរៀនឡើងវិញទាំងអស់។

រៀនអោយយល់បញ្ញត្តិ រួចអនុវត្ត

មេរៀន Tesdopi ស្របតាមកម្មវិធីសិក្សារបស់ MoEYS ។ មេរៀននីមួយៗរួមមាន វីដេអូបង្រៀន អត្ថបទពន្យល់ និងលំហាត់អនុវត្ត។
មេរៀនត្រូវបានរចនាឡើងអោយសិស្សងាយយល់ពីបញ្ញត្តិ (Concept) និង មូលដ្ឋានគ្រឹះសំខាន់ៗ (Fundamentals) ។ បន្ទាប់ពីសិស្សចាប់បានចំនុចសំខាន់នៃមេរៀនហើយ សិស្សអាចអនុវត្តលំហាត់រាប់ពាន់អោយចេះស្ទាត់ថែមទៀត។

រៀនជំនាញថ្មីៗ

ការសិក្សាមិនចេះចប់ទេ! ចំនុចនេះ Tesdopi យល់ច្បាស់ណាស់ ហេតុនេះហើយទើបយើងផ្តល់ជូនបន្ថែមមុខងារថ្មី «វគ្គសិក្សាពិសេស» ដែលសិស្សអាចរៀនបន្ថែមលើជំនាញជាច្រើនរាប់ទាំង ជំនាញទន់ ការត្រៀមប្រឡង រហូតដល់ វគ្គត្រៀមចូលសាកលវិទ្យាល័យនានា។


អំពី Tesdopi

Tesdopi ជាកម្មវិធីទូរសព្ទមួយរបស់ Edemy Co., Ltd. ។ អេប Tesdopi ត្រូវបានដាក់ឱ្យដំណើរការក្នុងឆ្នាំ 2018 ដោយក្រុមអ្នកស្រលាញ់មុខវិជ្ជាវិទ្យាសាស្រ្ត សិស្សអូឡាំព្យាដកម្ពុជា ម្ចាស់មេដាយមាសថ្នាក់ជាតិ និងអតីតនិស្សិត Fulbright ។ ចក្ខុវិស័យរបស់យើងគឺជាអនាគតមួយដែល «នរណាៗក៏អាចរៀនបានដែរ»។

រហូតមកពេលនេះ Tesdopi បានឈ្នះពានរង្វាន់ដ៏មានកិត្យានុភាពជាច្រើន រួមទាំងពានរង្វាន់ «ការច្នៃប្រឌិតសង្គមល្អបំផុតប្រចាំឆ្នាំ 2019» ពីក្រសួងប្រៃសណីយ៍ និងទូរគមនាគមន៍កម្ពុជា ពានរង្វាន់ «Starupper of the Year 2019 » ពីក្រុមហ៊ុន Total ហើយថ្មីៗនេះ បានឈ្នះពានលេខ ១ នៃការប្រកួតប្រជែងការ «នវានុវត្តន៍បញ្ច្រាស» ដោយ មជ្ឈមណ្ឌលបណ្ដុះធុរកិច្ចថ្មី «តេជោ» ។