Aplicación para dispositivos Android sobre os ecosistemas mariños de Galicia dirixida a alumnos da ESO
A pesar de que Galicia é un país que vive envorcado cara o mar, a maior parte dos materiais de secundaria traballan a ecoloxía e a biodiversidade cun enfoque case exclusivamente terrestre. A presente proposta modifica esta visión centrando o traballo no mar dende o convencemento de que se protexe o que se coñece.
Por outra banda, o enfoque proposto non só facilita a incorporación dos novos contidos da LOMCE respecto aos proxectos de investigación en Ciencias senón que o fai dende unha perspectiva dixital que soe resultar moi motivadora para os rapaces.
A maioría das imaxes da aplicación proceden dos ecosistemas galegos e habitualmente se empregaron organismos característicos das nosas costas nas explicacións.
Date de mise à jour
27 yun 2016