Parques de Galicia

Xunta de Galicia

Acerca desta aplicación

Esta aplicación oficial da Xunta de Galicia descóbrelle aos seus usuarios/as a excelencia do patrimonio natural que agocha a Rede de Parques Naturais de Galicia, formada por: as Fragas do Eume e o Complexo dunar de Corrubedo e lagoas de Carregal e Vixán (A Coruña); o Monte Aloia (Pontevedra); e a Serra da Enciña da Lastra, O Invernadeiro e Baixa Limia - Serra do Xurés (Ourense). Máis de 50.000 hectáreas de exquisitos ecosistemas onde habitan singulares especies de fauna e de flora adaptadas a condicións climáticas únicas na comunidade.

Dirixida a todos os públicos, e dispoñible en galego e en castelán, a ferramenta está pensada para preparar a visita a estes 6 espazos naturais con antelación, polo que a meirande parte da información está dispoñible sen conexión para facilitar a súa consulta sen consumo de datos.

Como novidade, esta versión incorpora a nova imaxe de Parques Naturais, unha renovada galería de fotos ou a xeolocalización do/a usuario/a na maior parte dos recursos para que sexa máis doado o cálculo da ruta ata un punto de interese ou ao punto de partida dunha ruta de sendeirismo. Unha lista dos miradoiros desde os que levar de recordo as mellores fotos, referencias de ocio, de gastronomía, de turismo rural ou activo complementan o contido ofrecido para continuar a visita.

Esta nova aplicación quere ser, en definitiva, unha guía de referencia 2.0 para quen desexe explorar o legado natural de Galicia. O seu coñecemento permitirá que todos os/as galegos/as e visitantes se convertan en gardiáns futuros desta herdanza única.

Novidades

Melloras e correccións.