انبیاء کرامؑ، سرائیکی وچ

اِدارۂ نُورِ ہِدایت‎

Über diese App

قصصُ الٛانبیاء

اللّٰہ سئِیں دے فضل و کرم نال ایہ انمول تُحفہ ”قصص الانبیاءؑ“ حاضِر ہے۔ اِیں ایپ دے ذرِیعے اسّاں انہیں انبیاءِ کرامؑ وچوں کُجھ دی زندگی دے بارے سرائیکی زبان وِچ پیش پَے کرینٚدے ہیں جیرھے حضرت آدمؑ کنوں گِھن کے بنی اسرائیل دے آخری نبی حضرت عیسیٰؑ تئِیں اندے رہ ڳَے۔

انہیں دا تاریخی سلسلہ ایہ ہے: حضرت آدم علیہ السلام، حضرت نوح علیہ السلام، حضرت ابراہیم علیہ السلام، حضرت اسحاق علیہ السلام، حضرت یعقوب علیہ السلام، حضرت یوسف علیہ السلام، حضرت موسیٰ علیہ السلام، حضرت یونس علیہ السلام اتے حضرت عیسیٰ علیہ السلام۔

انہیں سارِئیں دا ذکر تورات شریف، زبور شریف، صحائف الانبیاء، انجیل شریف اتے قرآن مجید وچ آئے۔ اسلام وِچ انہیں دا وݙّا عظیم مقام ہے۔

انبِیاء کرامؑ دی زندگی اتے تبلیغ ساݙے واسطے مشعلِ راہ ہے۔ ہر مومن مسلمان کُوں چاہیدا ہے جو او انہیں دی زندگی کنُوں رہنُمائی حاصل کرے اتے انہیں تے نازل تِھیوَݨ والےکلام اللہ تے غَور و خَوض کرے، تاں جو اللہ دا نیک بندہ بݨ ونڄے۔

انبیاءِ کرامؑ دے بارے پہلے ٻہُوں سارِیاں کِتاباں مَوجُود ہِن پیاں، پر اِیں ایپ دا ماخذ تَورات شرِیف، صحائف الانبیاءؑ اتے اِنجِیل شرِیف دے او قدِیم ترِین نُسخے ہِن جیرھے قُدرتِ اِلٰہی نال صدیوں کنُوں عرب دے عِلاقے وِچ محفُوظ رہ ڳَے۔

اِدارۂ ”نُورِ ہِدایت“ اللّٰہ سَئِیں دی حمد و ثنا واسطے وقف ہے۔

دُعا ہے جو رحمٰن و رحِیم رَب ساݙی اِیں عاجزانہ کوشِش کُوں شرفِ قبُولیت بخشے، اُوندا فضل و کرم تُہاݙے اُتّے ہمیشہ تِھینٚدا رہ ونٚڄے اتے او تُہاکُوں اپݨے حفظ و امان

---

Qasas ul Anbia AS

Allah sain de fazl o karm nal ee anmool tuhfa “Qasas ul Anbia AS” hazir hai.

Een App de zarie asan unhen anbia-e karaam AS vicoon kujh di zindagi de bare Saraiki zaban vic pesh pe karinde hen jerhe hazrat Adam kanoon ghin ke bani Israel de akhri nabi hazrat Isa tain ande rah gae.

Inhen da tarikhi silsila ee he: hazrat Aadam AS, hazrat Nooh AS, hazrat Ibraheem, AS hazrat Ishaaq AS, hazrat Yaqoub AS, hazrat Yousuf AS, hazrat Moosa AS, hazrat Younus AS, ate hazrat Isa AS.

Inhen sarin da zikar Taurat shareef, Zaboor shareef, sahaif ul Anbia, Injeel shareef ate Quran majeed vic ae. Islam vic inhen da vada azeem maqam he.

Anbia karam AS di zindagi ate tableegh sade vaste mashal-e rah he. Har momin musalmaan koon caheda he jo oo unhen di zindagi kanoon rahunmai hasil kare ate unhen te naazil thivan vale kalam Ullah te ghor o khoz kare, tan jo Allah da nek banda ban vanje.

Anbia karam AS di tareekh bare pahle bahoon sarian kitaban mojood hin pian, par een App da makhaz Taurat shareef, sahaif ul Anbia ate Injeel shareef de oo qadeem tareen nuskhe hin jerhe qudrat-e ilahi nal sadion kanoon arb de ilaqe vic mahfooz rah gae.

Idara “Noor-e Hidait” Allah sain di hamd o sana vaste vaqf hai.

Dua hai jo rahman o raheem rab sadi een naceez koshish koon sharf-e qabooliat bakhshe, unda fazl o karm tuhade ute hamesha thinda rah vanje ate oo tuhakoon apne hifz o aman vic rakhe. Amin!