नमस्ते पे नेपाल डिजिटल पेमेन्ट्स कम्पनी लिमिटेडले सञ्चालनमा ल्याएको नयाँ मोबाइल वालेट हो । नेपाल डिजिटल पेमेन्ट्स कम्पनी लिमिटेड कम्पनी नेपालका अग्रिणी सार्वजनिक संस्थाहरू नेपाल दूरसञ्चार कम्पनी लिमिटेड तथा राष्ट्रिय वाणिज्य बैंक लिमिटेडको संयुक्त सहकार्यमा स्थापना भएको कम्पनी हो । नमस्ते पे वालेट विभिन्न सञ्चार माध्यमहरू जस्तैः मोबाइल फोन, युएसएसडी, वेब पोर्टल बाट चलाउन सकिन्छ । प्रारम्भिक रूपमा यस वालेटबाट रकम जम्मा गर्ने, रकम झिक्ने, एक व्यक्तिबाट अर्कों व्यक्तिमा रकमान्तर गर्ने तथा दूरसञ्चार रिचार्ज लगायत विद्युत, खानेपानी लगायतका सेवाहरूको बिल भु्क्तानी पनि गर्न सकिन्छ । यसको साथै मोबाइल वालेट एप्लिकेशनको नयाँ रिलिजहरूमा देहाय अनुसारका सेवाहरू क्रमशः थप हुँदै जानेछन् ।
बैक खाता जडानः मोबाइल वालेटमा रकम हाल्न तथा झिक्नको लागि हाल ९ वटा बैक तथा वित्तीय संस्थाहरू आबद्ध गर्ने सुविधा रहेको तथा नयाँ बैंक तथा वित्तीय संस्थाहरु थप गर्ने क्रममा रहेको छ ।
रकम जम्मा गर्नेः मोबाइल वालेटमा आबद्ध गरिएको बैंक खाता, मोबाइल बैंकिंग, डेविट वा क्रेडिट कार्ड वा नमस्ते पेको आधिकारिक एजेन्ट मार्फत रकम जम्मा गर्न सकिन्छ ।
रकम झिक्नेः मोबाइल वालेटमा रहेको रकम बैंक खातामा पठाउने तथा नमस्ते पेको आधिकारिक एजेन्टमा गई वालेटको रकमलाई नगदको रूपमा लिन सकिन्छ ।
एक वालेट देखिए अर्को वालेटमा पठाउने सुविधाः तपाईको मोबाइल वालेटमा भएको रकमलाई अर्को मोबाइल वालेटमा सजिलो गरि पठाउन सकिन्छ । नमस्ते पेको मार्फत अत्यन्त सरल तरिकाले आफ्नो परिवारका सदस्य वा साथिभाईबीच रकम आदान प्रदान गर्न सकिन्छ ।
दैनिक उपभोग्य सेवाको भुक्तानीः दूरसञ्चार, बिजुली, पानी, टेलिभिजन जस्ता दैनिक उपभोग्य सेवाहरूको बिल भुक्तानी सहजै गर्नु होस् । साथै अन्य सेवा प्रदायकका सेवाहरू थप हुने क्रम जारि रहेको छ । विल तिर्न अव लाइनमा बस्नु पर्दैन । नमस्ते पे मार्फत आफ्नो मोबाइलबाट तुरुन्त विना झञ्झट तिर्नुहोस । सेवाहरू क्रमशः थपिंदै जानेछन् ।
सेवा प्रदायक भुक्तानीः विभिन्न सेवा प्रदायकहरूलाई सहजै भुक्तानी गर्नुहोस् । चलचित्र, हवाईजहाज, बसको टिकट बुकिंग तथा हस्पिटलको बिल भुक्तानी आफ्नो मोबाइल वालेटबाट गर्नुहोस् । साथै रेस्टुरेन्टको बिल, किनमेल तथा चियाको भुक्तानी समेत गर्न सक्नु हुनेछ । नमस्ते पेबाट देशको हजारौ पसलहरू तथा विक्रि केन्द्रहरूमा भुक्तानी गर्न सक्नु हुनेछ ।
सरकारी भुक्तानीः सरकारलाई भुक्तानी गर्नु पर्ने करको भुक्तानी तथा शुल्कहरू र सरकारबाट प्राप्त हुने भत्ता प्राप्ति लागि मोबाइल वालेट मार्फत तुरून्तै गर्नुहोस् ।
शैक्षिक संस्थाहरूलाई भुक्तानीः विद्यालय, कलेज, विश्वविद्यायल तथा अन्य शैक्षिक संस्थाहरूमा भुक्तानी गर्नु पर्ने रकम विना कुनै झन्झट तुरून्तै भुक्तानी गर्नुहोस् ।
मा अपडेट गरिएको
२०२४ जुन २०