کۆتایی بە گومان بهێنە و متمانە بۆ خۆت بگەڕێنەوە.
ئەپڵیکەیشنی سەرکەوتن هەموو سیستەمێکی ئامادەکاری تاقیکردنەوەکان دەخاتە ناو گیرفانتەوە. چ وەک خوێندکارێکی پۆلی ١٢ (وزاری) بێت یان بۆ بەهێزکردنی ئاستی زانستیت لە بابەتە جیاوازەکاندا، لێرە هەموو شتێک لە یەک شوێندا کۆکراوەتەوە — ڕێکخراو، خێرا، و دیزاین کراو بەو شێوازەی کە مێشک بەباشترین شێوە وەریبگرێت.
پشکنینی پرسیارە وزارییەکان — لەگەڵ چارەسەری تەواو دەستت بگات بە کتێبخانەیەکی دەوڵەمەند لە پرسیارە نیشتمانی و فەرمییەکانی ساڵانی ڕابردوو. بەپێی بابەت، ساڵ، و جۆری تاقیکردنەوە فلتەریان بکە. بە ئاسانی بەناو پرسیارەکاندا بگەڕێ، وەڵامەکان تاقی بکەرەوە و دەستبەجێ ڕوونکردنەوەی ورد و زانستی بۆ هەریەکەیان بخوێنەرەوە. ئیتر پێویستت بە گەڕان لە کۆتایی کتێبەکان نییە؛ لێرە هەم وەڵامەکە دەبینیت، هەم لە "بۆچی"یەکەشی تێدەگەیت.
کارتەکانی خوێندن (Study Cards): فێربوونێکی چێژبەخش هەموو بابەتەکان دابەشکراون بۆ بەش و لقی وردتر، کە هەر دانەیەکیان پڕکراوە لە کارتی خوێندنی زیرەک. کارتەکان وێنە، تێکستی ڕێکخراو و هاوکێشە بیرکارییەکانی تێدایە بە کوالێتییەکی زۆر بەرز. ئەو بابەتانەی گرنگن "بوکمارک" بکە و ئەوانەشی تەواوت کردوون نیشانەیان بکە. زانیارییەکانت هەنگاو بە هەنگاو بنیات بنێ.
تاقیکردنەوەی ئەزموونی (Mock Tests) لەژێر فشاری کاتدا هاوشێوەی تاقیکردنەوەی وزاری، خۆت تاقی بکەرەوە! دەتوانیت تاقیکردنەوەی ئامادەکراو هەڵبژێریت یان دانەی تایبەت بە خۆت دروست بکەیت (دیاریکردنی کات، بابەت، و ئاستی قورسی). پێوانەکردی کات وات لێدەکات ڕاستگۆیانە ئاستی خۆت بزانیت. لە کۆتاییدا شیکردنەوەیەکی وردت دەستدەکەوێت: نمرەکەت، ئاستی وردیت لە هەر بەشێکدا، و پێداچوونەوەی خاڵە بەهێز و لاوازەکانت.
بۆ زانستی یان وێژەیی؟ وەڵامەکە: بۆ هەردووکیان!
ئەپی سەرکەوتن بە شێوازێک دیزاین کراوە کە وەڵامدەرەوەی پێویستییەکانی هەردوو بەشی زانستی و وێژەیی بێت. چیتر پێویست ناکات بۆ هەر بابەتێک بەدوای سەرچاوەیەکی جیاوازدا بگەڕێیت، چونکە هەموو وانەکان لە یەک شوێندا کۆکراونەتەوە:
• بۆ بەشی زانستی: هەموو بابەتەکانی (بیرکاری، فیزیا، کیمیا، زیندەزانی) بە وردترین شێوە و بە بەکارهێنانی هاوکێشە ئاڵۆزەکان و وێنەی ڕوونکردنەوەی زانستی ئامادەکراون.
• بۆ بەشی وێژەیی: بابەتەکانی (مێژوو، جوگرافیا، ئابووری) بە شێوازی کارتی خوێندنی کورت و پوخت داڕێژراون تا لەبەرکردنی زانیارییەکان ئاسانتر و خێراتر بێت.
• بابەتە هاوبەشەکان: (کوردی، عەرەبی، ئینگلیزی) بە نوێترین تێست و ڕاهێنانەوە بەردەستن.
هەموو وانەکان، لە یەک ئەپدا: ئیتر گرنگ نییە خەونی تۆ پزیشکییە یان یاسا، ئەندازیارییە یان مێژوو؛ سەرکەوتن ئەو پردە متمانەپێکراوەیە کە دەتگەیەنێتە ئامانجەکەت.
هەموو هەنگاوێکت تۆمارە لە ڕێگەی داشبۆردی ستاتیکەوە، ئاستی گشتیت، ڕێژەی سەرکەوتن، و پێشکەوتنت بە تێپەڕبوونی کات ببینە. بە گراف و ئاماری ورد پێت دەڵێین پێویستە زیاتر جەخت لەسەر کام بابەتە بکەیتەوە.
سیستەمێکی پێشکەوتوو بۆ سەردەمی نوێ
• هاوکێشە زانستییەکان: پشتگیری تەواوی نوسینی بیرکاری و کیمیایی بە وردی ١٠٠٪.
• پاراستنی زانیاری: چوونەژوورەوە بە پەنجەمۆر و ناسینەوەی دەموچاو.
• دیزاینی مۆدێرن:دیزاینێکی سادە و مۆدێرن کە بە ئاسانی لێی تێبگەیت.
ئەمە تەنها کۆمەڵێک فایل و وێنە نییە، سەرکەوتن سیستەمێکی زیندووە کە لەگەڵت گەورە دەبێت، لاوازییەکانت نیشان دەدات و ئامرازی چاککردنیانت دەداتێ.
ئەپی سەرکەوتن دابەزێنە. زیرەکانە بخوێنە. بە متمانەوە سەرکەوتوو بە.