گراند ليان — صالون وعيادة تجميل للنساء ببعقوبة، ديالى.

هذا تطبيق الصالون. يخلّيچ تحجزين موعدچ من تلفونچ بأي وقت، بدون ما تدقين ولا تنطرين رد.

▪︎ احجزي موعدچ
اختاري الخدمة، والفرع، واليوم والوقت اللي يناسبچ، وكم شخص. طلبچ يوصل الاستقبال ويرجعلچ تأكيد. كل مواعيدچ تشوفينها بصفحة «مواعيدي» — القادمة والفايتة — وتكدرين تلغين موعدچ قبل وقته.

▪︎ أسعار الليزر واضحة
جدول أسعار كامل لكل منطقة، مكتوب وواضح. تشوفينه قبل ما تحجزين، بدون ما تسألين ولا تفاصلين.

▪︎ تابعي جلساتچ
إذا عندچ باقة ليزر، التطبيق يگلچ شكد جلسة استهلكتي وشكد باقي إلچ، والسعر المحجوز إلچ. بدون ما تسألين الاستقبال كل مرة.

▪︎ بطاقة هدية
أصدري بطاقة هدية بالمبلغ اللي تريدينه، واكتبي اسم اللي تحبينها وكلمة إلها. يطلعلچ كود تعطيه إياها. الدفع والاستبدال بالصالون.

▪︎ شوفي شغلنا
معرض صور للشعر، والمكياج العروس، والأظافر، والليزر.

▫︎ خصوصيتچ
التطبيق ما يطلب موقعچ ولا كاميرتچ ولا صورچ ولا جهات اتصالچ. ماكو دفع داخل التطبيق أبداً — فما نطلب ولا نخزّن أي بطاقة. ماكو إعلانات ولا متتبّعات. وهاي النسخة ما ترسل أي إشعار. تكدرين تحذفين حسابچ كامل من داخل التطبيق بأي وقت.

▫︎ وين احنا
7 نيسان، الاستدارة الأولى، بعقوبة، ديالى.
الدوام: يومياً من 10 صباحاً لحد 8 مساءً.