Agata бол барилгын цахилгаан, инженерийн тоног төхөөрөмжийн урьдчилан сэргийлэх үйлчилгээний систем юм. Энэхүү апп нь үйлчилгээ авч буй байгууллагын харилцагчдад зориулагдсан.

Аппаар дамжуулан өөрийн барилгын төхөөрөмжүүд ямар байдалтай байгааг цаг ямагт харах, эвдрэл гарсан үед шуурхай дуудлага илгээх, засварын явцыг эхнээс нь дуустал хянах боломжтой.

БОЛОМЖУУД

• Эрсдэлийн тойм
Бүх барилгын төхөөрөмжийг хэвийн, анхаарах, засварлах, ноцтой гэсэн зэрэглэлээр нэг дэлгэцээс харна. Анхаарал шаардаж буй төхөөрөмж хэд байгааг нүүр хуудсанд шууд харуулна.

• Барилга, давхрын дэлгэрэнгүй
Барилга тус бүрийн давхруудыг эрсдэлийн түвшингээр нь эрэмбэлж, аль давхарт асуудал байгааг тодорхой харуулна.

• Давхрын план дээрх байршил
Ачаалсан план зураг дээр төхөөрөмж бүрийн байршлыг тэмдэглэсэн байдаг. Өнгө нь эрсдэлийн түвшинг, дүрс тэмдэг нь төхөөрөмжийн төрлийг илэрхийлнэ. Хоёр хуруугаар томруулж нарийвчлан харна.

• Засварын дуудлага илгээх
Барилга, давхар, тоног төхөөрөмжийн төрлөө сонгож, тайлбар бичээд шууд илгээнэ. Шаардлагатай бол зураг хавсаргана.

• Хүсэлтийн явц
Илгээсэн дуудлага хүлээгдэж байгаа, гүйцэтгэж байгаа, дууссан эсэхийг бодит цагт хянана. Хийгдсэн ажлын түүх хадгалагдана.

• Мэдэгдэл
Эрсдэлийн өөрчлөлт, хүсэлтийн төлөв өөрчлөгдөхөд утсанд мэдэгдэл ирнэ.

БҮРТГЭЛ

Энэ апп нээлттэй бүртгэлгүй. Үйлчилгээ үзүүлэгч байгууллага таны бүртгэлийг үүсгэж, нэвтрэх мэдээллийг өгнө. Та зөвхөн өөрт хамаарах барилга, төхөөрөмжийн мэдээллийг харна.