Stapel is ’n gratis, kleurvolle toringbou-speletjie uit Suid-Afrika, in Afrikaans of Engels. Bou vandag se toring, duik dan van die top af en gly die rivier af so ver jy kan.

🏗️ DIE DAAGLIKSE TORING
Elke dag ’n nuwe toring: dieselfde blokke en dieselfde weer vir almal. Die hyskraan swaai al vinniger hoe hoër jy bou: tik op die regte oomblik, laat ’n blok presies op die vorige een land vir ’n Perfek en bou ’n kombo op. Jy kry 3 gratis pogings per dag, en jou beste een tel op die dag se ranglys. Deel jou uitslag op WhatsApp en sien hoeveel spelers jy klop.

🌊 AFGLY
As jou toring klaar is, duik jou bouer af en gly die rivier op ’n plank af. Swiep tussen drie bane, spring en koes verby krokodille, seekoeie, stompe en draaikolke, tel munte op en kyk hoe ver jy kom: hoe verder jy gly, hoe wilder die rivier (olifante by 10 km!). Gly wanneer jy wil en klim op die dag se Afgly-ranglys.

👥 SAAM GLY
Gly regstreeks langs ’n vriend op dieselfde rivier: stuur ’n uitnodiging op WhatsApp, of kry dadelik ’n teenstander. Wie die langste op die plank bly, wen.

⛅ WEER EN BESOEKERS
Wind stoot jou blokke, reën maak alles glad, ’n hittegolf laat die hyskraan vinniger swaai en mis versteek die landing. Blouaap wag vir jou volgende blok, Skelm Sakkie probeer blokke steel en Hanswors die nar bring geskenke. En die water styg terwyl jy bou: bly bo die vloedlyn!

⚔️ UITDAGERSREEKS
Speel kop aan kop teen ’n ander speler, ’n vriend of Robot Rikus: ’n Wedloop op dieselfde toring, of Blok vir Blok, elkeen ’n blok om die beurt. Klim elke maand op deur die range, van Brons tot Stapel-legende.

🪙 MUNTE EN DIE WINKEL
Verdien munte met elke toring, elke rit en elke wedstryd, en maak elke dag jou weekkis oop. Munte kry jy net deur te speel; jy kan dit nie koop nie. In die Winkel kies jy jou toring se styl (agtergronde, hyskrane en bloksoorte), kragte en jou eie raam, kenteken, titel en wenviering.

🧱 OEFEN
Oefen soveel jy wil. Dit tel nie.

• Gratis
• Speel in Afrikaans of Engels
• Geen registrasie nodig
• Werk sonder internet (die ranglyste, Saam gly en regstreekse wedstryde het internet nodig)
• Jou vordering bly op jou foon, of bêre dit met Google

Stapel hoog. Staan sterk.