स्ट्रोकलाई संसारमा मृत्यु र अपांगताको दोस्रो मुख्य कारण मानिन्छ । ४ जनामा १ जनालाई जीवनकालभरिमा स्ट्रोक हुन्छ । दशमध्ये आठ स्ट्रोकहरू रोकथाम गर्न सकिने खालको हुन्छन् तपाईंको पनि हुनसक्छ परीक्षण गर्नुहोस् !#एकजनानहुनुहोस् !
अवार्ड विजेता र प्रयोगका लागि निःशुल्क स्ट्रोक रिस्कोमिटर एप तपाईंको स्ट्रोकसँग सम्बन्धित व्यक्तिगत जोखिमको मुल्यांकनको लागि प्रयोग गर्न सजिलो साधन हो । उमेर, जेण्डर, जातियता, जीवनशैली र अन्य स्वास्थ्य कारकहरू जस्ता स्ट्रोकको सम्भावनासँग प्रत्यक्ष जोडिएका सुचनाहरूको माध्यमबाट तपाईंको जोखिमको गणना गरिन्छ ।
एप डाउनलोड गरिसकेपछि तपाईं अन्तर्राष्ट्रिय स्ट्रोक अनुसन्धानसँग जोडिन सक्नुहुन्छ जहाँ तपाईंले आफ्ना तथ्यांकहरू बुझाएर स्ट्रोक र यसको जोखिम कारकहरूबारे हामीलाई थप बुझ्न मद्दत गर्नसक्नुहुनेछ र यसले संसारभर रोकथामका उपायहरू विकसित गर्न सहयोग गर्नेछ । १०४ देशहरूका मानिसहरू पहिल्यै यो अनुसन्धानसँग जोडिसक्नुभएको छ ।
यो अपग्रेडमा हामीले केही अप्ठ्याराहरू मिलाएका छौ र केही नयाँ फिचरहरू समावेश गरेका छौं:
— सजिलै बुझ्नसकिने नेभिगेसन (दिशा पत्ता लगाउने तरिका) सहितको नविनतम इन्टफेस (जडान)।
— बुझ्न थप सजिलो गर्नको लागि प्रश्नहरूलाई पुनःसंशोधन गरिएको छ ।
— जीवनशैली र रक्तचाप नियन्त्रणका लागि लक्ष्य प्राप्ती विकल्प ।
— समय सुनिश्चिततासँगै औषधी खाने स्मृति ।
— ट्रयाकिङको अनुगमन र प्रगति विवरणको सुरक्षा सहित ग्राफहरूमा संशोधन ।
— प्रयोगकर्ताको जोखिम कारकहरूको प्रोफाइलमा आधारित सुझावहरूको व्यवस्थापन ।
— विज्ञहरूको सुझाव भिडियोहरू हेर्ने व्यवस्था ।
— स्ट्रोक चेतावनी संकेतहरूको विस्तारित सूची (F.A.S.T. +)
— तपाईंले चाहेको व्यक्ति(हरू)सँग परिणाम सेयर गर्नुहोस् ।
— भाषाको विकल्पहरू । प्रयोगकर्ताले उपलब्ध १७ भाषाहरूमध्येबाट (छिट्टै आउँदैछ) आफ्नो रुचिको भाषा छनौट गर्न सक्नेछन् ।
— विश्व स्ट्रोक संगठन, विश्व मुटु फेडेरेशन, विश्व न्युरोलोजी फेडेरेशन, युरोपियन स्ट्रोक संगठन र विभिन्न राष्ट्रिय स्ट्रोक संगठनहरूबाट मान्यता प्राप्त यो एप विश्व स्ट्रोक संगठनको एक प्रमुख परियोजना हो । विश्व स्ट्रोक संगठन संसारका सबै देशहरूमा स्ट्रोकको बोझ कम गर्न संघर्षरत नेतृत्वदायी संस्था हो ।
— आगामी ५ देखि १० वर्षभित्रको स्ट्रोक जोखिम मुल्यांकन छिटो गराउनको लागि स्क्रीनहरूको संख्या घटाइएको छ (२ देखि ३ मिनेटमा मुल्यांकन सकिन्छ) ।
— आफ्नो स्वास्थ्य र जीवनशैलीका कारकहरू व्यवस्थापन गर्न चाहने साथै जोखिममा रहेका व्यक्तिहरू र स्ट्रोक पश्चातका व्यक्तिहरूको लागि ।
— २० देखि ९० + को उमेर समूहको लागि
प्रशंसापत्र
“अन्ततः हामीसँग ‘रिस्कोमिटर’ छ । अब हामीले बिरामीहरूलाई उनीहरूको आफ्नो जोखिम प्रोफाइल मुल्यांकन गर्न भन्नसक्छौ । यो स्ट्रोकको जोखिममा रहेकाहरूको लागि अत्यन्त प्रेरणादायी छ । यसले उनीहरूको व्यवहारको मुल्यांकन गर्न र जोखिमपूर्ण जीवनशैलीको रोकथाम गर्न सहयोग गर्दछ ।” प्रोफेसर माइकल ब्रेनिन, अध्यक्ष, विश्व स्ट्रोक संगठन“यो महत्त्वपूर्ण छ । यो साधनले विश्वव्यापी स्ट्रोक सचेतना र रोकथामको क्षेत्रमा नयाँ ढोका खोलेको छ । र, यो निम्न र मध्य आय भएका देशहरूका मानिसहरूलाई निकै उपयोगी छ जहाँ स्ट्रोक व्यवस्थापनका आधारभूत पूर्वाधारहरू सजिलै उपलब्ध छैन ।” प्रोफेसर दिपेश कुमार मण्डल, अध्यक्ष, स्ट्रोक फाउण्डेशन अफ बंगाल“प्रतिक्रिया एक स्वस्थ जीवनशैली पालन गर्न को लागी सबैभन्दा शक्तिशाली प्रेरक हो । स्ट्रोक रिस्कोमिटरले यसका लागि एक अत्याधुनिक विधि प्रदान गर्दछ । एउटा तथ्य यो हो कि यो निःशुल्क छ र व्यापक मात्रामा प्रयोगको सम्भावनायुक्त छ । यसले लक्षित गरेको स्ट्रोकका जोखिम कारकहरूको न्युनीकरणले केवल स्ट्रोक न्युनिकरणका लागि मात्र होइन बरु मुटुका रोगहरू न्युनिकरणका लागि पनि लाभदायक छ । साथै यसले डिमेन्शियालाई रोकथाम गर्न वा ढिलो लाग्ने गराउनका लागि पनि योगदान गर्दछ । यो एप्लीकेशनको व्यापक प्रयोग होओस् र यसले हासिल गर्न योग्य मुल्यांकन प्राप्त गरोस् ।”विश्वविद्यालयका विशिष्ट प्रोफेसर भ्लादमिर ह्याकिन्स्की, वेस्टर्न युनिभर्सिटी, लण्डन, ओन्टारियो, क्यानडा
हाम्रो बारेमा
स्ट्रोक रिस्कोमिटर ओकल्याण्ड प्राविधिक विश्वविद्यालयको स्ट्रोक र एप्लाइड न्युरोसाइन्सको राष्ट्रिय संस्थाका प्रोफेसर भ्यालरी फेइजीनको दिमागी सन्तान हो । यो स्ट्रोकको घटना कम गर्न र विश्वभर जीवन सुरक्षा गर्नका लागि निर्माण गरिएको हो । विश्वमा यसलाई न्युजील्याण्डमा अवस्थित विश्वकै प्रख्यात विश्वविद्यालय, ओकल्याण्ड प्राविधिक विश्वविद्यालयको प्रविधि हस्तान्तरण कार्यालय (टेक्नोलोजी टान्र्सफर अफिस) एयुटी भेन्चर्स लिमिटेडमार्फत ल्याइएको हो ।