أهلا بيك في عالم القراءة الإلكترونية مع iRead eBooks
iRead eBooks هو أول أبلكيشن مصري للقراءة الإلكترونية، هيخليك تستمتع بتجربة قراءة مختلفة ومميزة، مع إصدارات أهم دور النشر المصرية وإصدارات حصرية من إنتاج مؤسسة iRead مش موجودة في أي مكان تاني خالص!

مع أبلكشين iRead eBooks هتقرأ أكبر عدد ممكن من الكتب من غير ما تحسبها في أي وقت وأي مكان.

أبلكيشن مناسب لجميع المراحل العمرية وفيه مميزات هتقدم للقارئ تجربة مريحة، سهلة، وأقل تكلفة.

ليه تختار أبلكيشن iRead eBooks:

عملنا الأبلكيشن في الوقت ده بالتحديد عشان نقدم وسيلة سهلة وأمانة ومناسبة للقارئ في الوقت اللي الصناعة فيه بتواجه تحديات كل يوم عن يوم.

من خلال الأبلكيشن:

هتستمتع بتجربة قراءة مريحة تشبه الكتاب الورقي ولكن أقل تكلفة.
كقارئ هتقدر تضيف إشارة مرجعية على صفحة معينة، بالإضافة لكتابة تعليقات توضيحية ليك وقت القراءة.
هتعرف بسهولة نسبة قراءتك لكل كتاب ومدى إنجازك في القراءة.
هتقرأ كل الكتب والروايات الجديدة بعد صدورها على طول.
هتستمتع وتقرأ محتوى حصري من إنتاج مؤسسة iRead وهو iRead Originals اللي مش هتلاقيه في أي مكان تاني.
هتوصل للكتب اللي أنت عايز تقرأها من خلال تصنيفات مبسطة للأقسام، ووسائل بحث سهلة ودقيقة.
هتقدر تعمل بحث بإسم الكاتب أو دار النشر أو اسم الكتاب.
هتلاقي كتب جديدة بإستمرار، لأن طول الوقت بيشاركنا دور نشر جديدة
الأبلكيشن سهل الإستخدام للأطفال، الشباب، وكبار السن.
تقدر تبني مكتبك الخاصة وقرائتك الجاية.
الإشعارات اللي بيقدمها الأبلكيشن هتساعدك تعرف آخر الأخبار وإصدارات الكتب الجديدة.

جاهز تتعرف أكتر على الأبلكيشن؟

محتوى حصري من إنتاج iRead وهو iRead Originals:

فقط وحصريًا، كلمة بنسمعها على طول لكن في iRead eBooks هتعيش التجربة دي كاملة ومستمرة كل شهر.
من خلال محتوى حصري من إنتاج مؤسسة iRead واللي هيكون متاح فقط على الأبلكيشن واستحالة تلاقيه في مكان تاني.
المحتوى هيكون متنوع وكل مرة هتتفاجئ أكتر من المرة اللي قبلها.

بالإضافة لأكتر من خاصية تم تصميمها عشان تعيش تجربة قراءة سهلة وسلسة ومريحة منها:

خاصية التحكم في شكل القراءة:

اللي هيساعدك تتحكم في نمط القراءة وحجم ونوع ولون الخط وغيرها من أدوات التحكم اللي هتسهل عليك تنسيق المحتوى اللي يناسبك ويجعل تجربة القراءة ممتعة ومريحة.

خاصية وضع القراءة الليلي:

لأن القراءة بليل ليها مود خاص هتلاقي الخاصية بتوفرلك قراءة فيها راحة أكتر بالليل وأقل إجهاد للعين.

خاصية البحث:

هتقدر تعمل بحث عن دور النشر، أسماء الكتب، وكمان أسماء الكُتاب

خاصية القراءة الأفقية والعمودية

اختار الوضع المناسب والمريح ليك في القراءة، تقدر تختار خاصية القراءة العمودية وتسحب الشاشة لفوق أو القراءة الأفقية وتسحب الشاشة للجنب واللي هتخليك تعيش نفس تجربة الكتاب.

iRead eBooks تجربة مختلفة للقراءة – مكان واحد وآلاف الكتب. مناسب للجميع
تجربة الجيل الجديد:
الكتب الإلكترونية وسيلة مفيدة تواكب العصر الحديث بسرعته وتطوره المستمر لكل الأجيال الأطفال، الشباب، وكبار السن.. إلخ
في عصر الـ Tiktok والـ Reels، التحدي بيكبر كل يوم عند كل أب وأم عايزين يبنوا عادة القراءة في أولادهم، بس مع أبلكيشن iRead eBook هتعرفوا بسهولة تعملوا ده لأن الأبلكيشن شبههم وشبه طريقتهم وتفكيرهم وكل حاجة حواليهم.

توفير مجهود شيل الكتب في المواصلات

الأبلكيشن كمان هيكون مفيد لمحبي استغلال الوقت وقراءة الكتب خلال اليوم في المواصلات والأماكن العامة، لأن هيوفر عليهم مجهود شيل الكتب معاهم خاصة لو كتاب كبير وتقيل.

سعر الاشتراك بسعر كتاب ورقي واحد!

من خلال الإشتراك في الأبلكيشن هتقدر تقرأ آلاف الكتب بسعر كتاب ورقي واحد، الأبلكيشن هيساعد أي حد عنده هدف في القراءة إنه يوصله رغم كل التحديات الإقتصادية.

أنواع المستخدمين

زائر: تقدر تشوف كل حاجة جوة الأبلكيشن من غير ما تقرأ أي كتاب.

مجاني: هتشوف كل تفاصيل الأبلكيشن وكمان هتقدر تقرأ العينة المجانية من الكتب.

مشترك: هتقرأ كل الكتب والروايات الموجودة وتشوف كل تفاصيل الأبلكيشن

أنواع الإشتراك وقراءة آلاف الكتب من غير توقف:

الاشتراك الشهري
الاشتراك 6 شهور
الاشتراك السنوي

اختار الإشتراك المناسب ليك، تقدر تلغي الاشتراك في أي وقت دون استرداد القيمة المتبقية ولم يتم التجديد.