محسوب — حساباتك كلها في جيبك

محسوب بيجمعلك البيع والمخزن والموردين والتحصيل والخزينة في تطبيق واحد سهل، بدل الكشكول والورق وبرامج كتير مش متوصّلة ببعض.

■ المبيعات: كاش وتقسيط
• اعمل فاتورة بيع كاش أو عقد تقسيط فيها كذا صنف
• حدد المقدم وعدد الأقساط، وخلّي الدفع شهري أو أسبوعي، وشوف جدول الأقساط قبل ما تعتمد العقد
• احسب الفائدة على المبلغ اللي اتقسّط أو على الإجمالي، زي ما بتشتغل

■ الأصناف والمخزن
• نظّم أصنافك في أقسام، وحط سعر الشرا وسعر البيع لكل صنف
• المخزون بيتحدّث لوحده مع كل بيعة وكل فاتورة شرا
• اعمل جرد، وشوف سجل حركات المخزون، وهيجيلك تنبيه لما صنف يقرب يخلص

■ الموردين والمشتريات
• سجّل فواتير شرا البضاعة من الموردين
• تابع رصيد كل مورد وسدّد له كله أو جزء
• هيجيلك تنبيه قبل ميعاد فواتير الموردين

■ العملاء والتحصيل
• ملف كامل لكل عميل فيه كشف حساب بكل حركة
• شاشة تحصيل بتوريك مين عليه فلوس النهارده ومين متأخر
• سجّل الدفعات كاملة أو جزئية، بطرق دفع مختلفة
• تقييم لكل عميل حسب التزامه في الدفع، وسجل لكل مكالمة أو زيارة أو رسالة واتساب

■ الخزينة والمصروفات
• رصيد الخزينة قدامك أول بأول: إيداع وسحب ورصيد افتتاحي
• سجّل مصروفات المحل وقسّمها على بنود

■ التقارير
• الأرباح وأهم الأرقام المالية في أي فترة تختارها
• كفاءة التحصيل، وأعمار الديون والمتأخرات

■ ومميزات تانية
• عربي وإنجليزي، ووضع فاتح وداكن
• جرّب كل المميزات مجانًا لمدة 14 يوم

محسوب مناسب لمحلات الأجهزة الكهربائية، والموبايلات، والأثاث، والملابس، وأي محل بيبيع كاش أو بالتقسيط.

كل جنيه في محلك محسوب.