【Ching — 清數。清帳。清清楚楚。】

唔想每次消費都要自己 mark 數?Ching 直接讀取你手機上嘅付款通知,自動幫你建立記帳記錄——你只需一鍵確認,唔使打任何數字。

由香港獨立開發者打造,深度整合本地支付生態。

━━━ 核心功能 ━━━

🔔 通知自動捕捉(Android)
出街用八達通、Google Pay、Samsung Pay 嘟一嘟,或者經 HSBC、中銀 App 過數,Ching 即時讀取付款通知,自動放入確認區,由你一鍵記低。有人經 PayMe 過數畀你,亦會自動記低呢筆收款。永遠唔會未經確認自動入帳——最終控制權喺你手。(支援銀行陸續增加中)

✏️ 手動快速記帳
唔想授權通知?一樣用得。介面極簡,數秒完成一筆。現金、夾錢、任何交易都記得到。

🏷️ 商家自動分類
記低一筆即自動歸類。免費版用規則辨識搞掂大路商家;Pro 版升級 AI 辨識,連少見商家、唔規則嘅名都認得返。

🤖 AI 消費洞察
唔知錢去咗邊?向 Ching AI 發問,即時根據你嘅真實消費記錄提供個人化消費分析。(免費版每月 3 次;詳見下方免責聲明)

📊 預算提醒
為唔同消費分類設定預算,超支前收到提醒。(免費版可設 3 個分類;Pro 版無限分類 + 自訂提醒門檻)

☁️ 雲端備份(Pro)
換機唔怕,記錄安全保存。

仲有多貨幣支援、固定收支、股票成本追蹤等實用功能。

━━━ 私隱優先 ━━━
Ching 唔需要你嘅銀行登入密碼,亦唔會登入你嘅網上銀行抓取資料。我哋只讀取你親自指定嗰幾個支付 App 嘅通知文字,其他通知一律唔掂;所有捕捉喺你部機本機完成,你嘅財務資料唔會用於任何模型訓練，更加唔會收集賣比第三方。

━━━ 免費版 vs Pro 版 ━━━

✅ 免費版(永遠免費)
- 無限手動記帳(收支轉帳)
- 通知自動捕捉
- 自動商家分類(規則辨識)
- 基本統計圖表
- 預算提醒(可設 3 個分類)
- AI 消費洞察每月 3 次

⭐ Pro 版(HK$28/月或 HK$238/年)
- 無限 AI 消費洞察及對話分析
- AI 商家自動分類(連少見商家都認得)
- 雲端備份
- 無限預算分類 + 自訂提醒門檻
- 更多進階功能持續推出

━━━ 常見問題 ━━━
Q: 真係唔需要俾銀行密碼?
A: 100% 唔需要。Ching 只讀取你手機上嘅付款通知文字,完全唔會接觸你嘅銀行帳戶或登入資料。

Q: 通知會唔會睇到我其他訊息?
A: 唔會。Ching 只處理你指定嘅支付 App 通知(八達通、Google Pay 等),其他通知一律忽略,唔讀取亦唔儲存。

Q: 免費版有幾多限制?
A: 核心記帳完全免費、無廣告、無限次數。Pro 解鎖無限 AI 消費洞察、AI 商家辨識、雲端備份同無限預算分類。

Q: 支援邊啲支付方式?
A: 通知自動記帳現支援八達通、Google Pay、Samsung Pay,以及 HSBC、中銀 App 付款通知,更多陸續加入中。

立即下載,清數從今日開始。

━━━ 重要免責聲明 ━━━
Ching 係一個個人記帳工具,並非財務顧問。所有內容(包括 AI 產生嘅消費洞察)只作資料參考,絕對不可視為投資意見、任何證券嘅買賣推薦、招攬,或任何受規管嘅財務意見。Ching 未持有香港證券及期貨事務監察委員會(證監會 / SFC)或任何其他監管機構發出嘅牌照,亦唔從事《證券及期貨條例》(香港法例第 571 章)下嘅任何受規管活動。作任何財務決定前,請諮詢合資格嘅持牌專業人士。