Einföld og sígild skemmtun

Hallaðu þér aftur og slakaðu á með þessum lofsverðu hversdagsleikjum. Breitt úrvalið sér til þess að þú finnir eitthvað við þitt hæfi, hvort sem það eru spennandi þrautaleikir eða róandi hermileikir.

Grafðu sleipar og skyni gæddar slímverur upp úr jörðinni og sameinaðu þær í þessum indæla landbúnaðarleik. Þegar þú hefur safnað verunum saman á búgarðinum þínum skaltu sameina þær í stærri og öflugri slímverur sem geta ferðast um upp á eigin spýtur. Þær munu snúa aftur úr ævintýrum sínum með fangið fullt af fríðindum sem færa þig nær lokamarkmiðinu: að safna öllum sérstöku slímverunum!

Taktu við af fyrrverandi prímadonnunni sem aðalstjórnandinn í Project Makeover. Leystu 3 eins-þrautir til að vinna þér inn gull svo að þú getir fjármagnað metnaðarfulla yfirhalningu viðskiptavina þinna, þ.m.t. nýjar hárgreiðslur, klæðnað og heimili, til að gera drauma þeirra að veruleika með hæfileikum þínum.

Heads Off er undarlegur og einkennilega fallegur leikur sem fagnar því furðulega. Með einni snertingu ferðast höfuð þitt yfir drungalegt tómið með mætti öskurs. Veldu úr úrvali höfuða sem sum hver skrækja, hlæja eða gráta, öll háð sínum eigin eðlisfræðilögmálum.

Leggðu upp í ævintýri í þessum kattasmellileik, sem byggist á því að veiða fiska, þar sem einmana köttur hefur siglt í strand og gerist krúttlegasti sjóræningi úthafanna. Veiddu fiska í leiðinni til að safna búningum, gripum og fjársjóðskortum til að ferðast víðar um höfin. Safnaðu aðföngum til að uppfæra skipið þitt og koma þér upp þinni eigin loðnu áhöfn.

Slakaðu á með þessum einstaklega ánægjulega þrautaleik þar sem þú þarft að tengja tvo punkta í þúsundum borða. Smeygðu þér framhjá hindrunum, safnaðu fjársjóði og láttu spennuna líða úr þér með fallegu og litríku myndefni og róandi tónlist.