Bestu indíleikirnir

Þegar lítil teymi ástríðufullra þróunaraðila leyfa sköpunarkraftinum að njóta sín getur það orðið til þess að umbreyta leikjategundum og veita milljónum innblástur. Þetta eru skapandi, frumlegir og spennandi indíleikir sem fönguðu athygli okkar á árinu.

Ekki láta gamaldags útlitið blekkja þig – Vampire Survivors virðist kannski einfaldur en þú verður að prófa. Vampire Survivors er einfaldur í spilun og hrikalega spennandi og þú þarft ekkert að gera nema færa karakterinn þinn um kortið… æ já, og lifa af árásir skrímsla sem ætla að drepa þig.

Árásirnar eru sjálfvirkar svo úthugsaðar hreyfingar eru lykillinn að því að forðast óvinamergð. Spennan er ávallt handan við hornið með mörgum ólíkum karakterum og tugum vopna sem hægt er að uppfæra. Þetta skilar sér í spennandi lotum þar sem enginn sprettur er eins. Við gátum ekki hætt að spila svo leikurinn á sannarlega skilið að hljóta titilinn „Besti indíleikurinn“.