Íhugaðu ráðgátur quadline

Indíleikjahönnuðurinn Ivan Kovalov setur áhersluna á nýsköpun við vinnu sína. Nálgun hans hefur skilað sér þar sem quadline er annar leikurinn úr smiðju hans sem sigrar á Indie Games Festival á aðeins þremur árum. Við ræddum við Kovalov til að fá betri innsýn í óvenjulega þrautaleikinn hans.

Ivan Kovalov: þetta er mjög minímalískur, stílhreinn og óhlutstæður þrautaleikur sem hægt er að spila á hvaða formþætti sem er og í hvaða stefnu sem er. Engar leiðbeiningar þvælast fyrir þar sem þú lærir á reglurnar og kerfin með því að spila. Leikurinn er meira að segja litblinduvænn og inniheldur hvorki orð, tölur né teljara. Þetta snýst bara um þig og þrautirnar.

Ég hef alltaf haft áhuga á nýsköpun. Ég er alltaf að leita að nýrri leikjaupplifun og eftir síðasta leikinn minn langaði mig að prófa mig áfram með hönnun þrautaleikja, erfiðleikastiga og spilaraskráninga. Hugmyndin að quadline kom ekki fyrr en seint um kvöld þegar ég var að vinna að öðrum leik. Ég fékk hugljómun og varð að athuga hvort ég gæti búið til frumgerð.

Mér finnst helsta áskorunin við leikjahönnun vera sú að hanna eftir þeim stífu reglum sem ég set mér. Fókusinn á symmetríska hönnun auk þess að útiloka tölur og texta flækti hönnunina en þessar takmarkanir lögðu grunninn að velgengni quadline.

Ég hef alltaf haft áhuga á leikjahönnun en þetta varð ekki að ástríðu fyrr en árið 2016. Ég fór á ráðstefnu og heillaðist svo af verkum indíleikjahönnuða að ég einsetti mér að snúa aftur að ári með minn eiginn leik.

Þá tók ég til við að hanna fyrsta fullgerða leikinn minn, „G30: A Memory Maze“, og vann fullt af indíleikjaverðlaunum. Þetta var draumi líkast og það gleður mig mikið að geta kallað mig indíleikjaforritara og tilheyra þessu samfélagi.

Skoðaðu sigurvegara og þá sem komust í úrslit á Indie Games Festival 2022 í Evrópu.