Við fögnum AFK Journey, besta leik ársins 2024

AFK Journey heillaði okkur með framúrskarandi myndefni, hrífandi hreyfimyndum og ríkulegum fantasíuheimi sínum. Við vorum svo hrifin að við ákváðum að veita honum verðlaunin „Besti leikurinn“ árið 2024. Til að fagna þessu afreki settumst við niður með framleiðanda AFK Journey, Jiangyuan He, til að komast að því hvernig teymið skapaði uppáhaldsleik okkar árið 2024.

Jiangyuan He: Ég er í sjöunda himni! Þetta hefur mikla þýðingu fyrir teymið okkar og er frábær hvatning. Þrátt fyrir að AFK Arena hafi verið vel heppnaður leikur fengum við ekki viðurkenningu í líkingu við þessa þá. Mér líður eins og við höfum vaxið gríðarlega frá því að við gáfum út AFK Arena.

Þú spilar sem hinn goðsagnakenndi galdramaður Merlin, sem eitt sinn bjargaði landi Esperia. Nú þegar nýjar ógnir vofa yfir muntu mæta ýmsum hetjum á leið þinni og hjálpa þeim í tilraun þeirra til að afhjúpa sitt eigið „sverð“, sem í söguheimi okkar táknar „vald“. Saman getið þið nýtt krafta ykkar í epískum leiðangri til að bjarga heiminum.

Við vildum vekja gleði og ævintýraþrá og slagorð okkar: „Fram úr væntingum“ endurspeglar afslappaðan flótta frá hversdagsleikanum inn í litríkan heim Esperia. Með því að sameina smellileik, hlutverkaleik, herkænsku og félagslega eiginleika vonumst við til þess að hafa skapað eitthvað einstakt sem vekur hrifningu spilara okkar og fer fram úr væntingum þeirra.

Hugmyndin kviknaði í raun á hittingi spilara AFK Arena. Einn spilari deildi upplifun sinni af því að líða eins og spilun hans hefði ekkert markmið. Það fékk okkur til að hugsa og veitti okkur innblástur til að gæða AFK Journey dýpri sögu og umlykjandi heimi sem spilarar geta virkilega tengt við.

Þrátt fyrir að AFK Journey sæki augljósan innblástur í AFK Arena takmarkast hann ekki við forvera sinn. Það er algengt að leikjaraðir geri ráð fyrir mismunandi tegundum leikja og því höfum við aðlagað þemu sögunnar í samræmi við hönnun þessa leiks til að tryggja spilurum sem besta upplifun.

Kínverskt heiti AFK-leikjanna merkir „Sverð og könnunarleiðangur“ þannig að við lögðum áherslu á sverðaþátt sögunnar. Teymið okkar sem vann að söguþræði leiksins byggði á þekktu hugmyndinni um „sverð í steini“ til að sjá til þess að söguheimurinn væri öllum aðgengilegur. Varðandi minnisleysið spila minningar þínar lykilhlutverk í leiknum og munu smám saman koma í ljós í væntanlegum leikjum seríunnar, þannig að þú skalt endilega fylgjast með.

Listræna teymið okkar sótti innblástur í veggmyndir, glermálverk, myndskreyttar bækur og margt fleira. List getur birst á margan hátt en grunnhugmyndirnar eru oft þær sömu. Það reyndist snúið að bæta áferðum við tvívíða hönnun persóna þegar við unnum að því að skapa þær í þrívídd, þannig að við nýttum okkur aðferðir úr öðrum listgreinum. Hlutir á borð við víravirki úr gulli í veggmyndum, kínversk málverk, málmprentun og plasthúðun bóka veittu okkur þau myndrænu áhrif sem við leituðumst eftir.

Listræna teymið okkar fagnar öllum gerðum stíla og trúir því einlægt að hver persóna búi yfir einhverju sérstöku. Við viljum þannig að spilarar okkar upplifi einstaka tengingu við hverja persónu sem verður á vegi þeirra. Eftir allt saman snýst þetta um að skapa fjölbreyttan og lifandi heim sem allir geta notið!

Það var vissulega áskorun! Við byrjum á því að setja okkur hönnunarmarkmið fyrir nýjar leikjastillingar og sameinum þau langtímaáætlun okkar sem byggist á endurgjöf spilara. Eftir að stillingarnar hafa verið skilgreindar og þeim úthlutað viðeigandi áherslumerkjum þróum við hugmyndir að mismunandi slóðum og veljum síðan þá sem okkur finnst mest spennandi. Síðan fínstillum við hana þar til við gefum hana út.

Við leggjum áherslu á að skapa efni sem er innan þægindaramma spilara okkar á sama tíma og við tökum ábendingum þeirra fagnandi. Með því að hafa augu og eyru opin og gera stöðugar endurbætur leggjum við okkur fram við að skapa samfellda upplifun sem heillar og gleður.