5 факти коишто можеби не сте ги знаеле за „Тетрис“

„Тетрис“ е гигант којшто ја трансформираше историјата на игрите. Тоа е општопознато име кое го знаат милијарди низ светот, благодарение на препознатливата музика, формата на коцките и неодоливоста на играта.

Додека се наближува 40. годишнина на класиката, еве неколку забавни факти коишто веројатно не ви биле познати за „Тетрис“ од коишто ќе ви се заврти во главата како да е Т-коцка.

Оригиналната верзија на „Тетрис“ на Алексеј Пажитнов започнала како игра што ја создал во своето слободно време. Тогаш не размислувал многу за музиката или за квалитетот на графиката, што значи дека препознатливата музика карактеристична за „Тетрис“ воопшто ја немало во оригиналната игра.

Дури во изданието „A-Type“ на Nintendo Game Boy „Тетрис“ ја добива својата препознатлива песна. Инспирирана од руската народна песна „Коробејники“, напишана во 1861 година, тоа е брза, ритмична мелодија на која многумина би танцувале, поради што е совршена за брзата, логичка игра со прсти која дебитира на Nintendo Game Boy во 1988 година.

„Тетрис“ станала толку популарна игра што успеалa да создаде сопствена медицинска состојба наречена „Ефектот на тетрис“. Ако некогаш сте играле некоја игра толку многу што сте почнале да ја гледате насекаде или секоја ситница на земјата ви изгледала како клучен предмет што треба да се земе, тогаш сте го искусиле ефектот на тетрис.

Опишана е како појава при која луѓето посветуваат толку многу време на некоја активност, што почнува да им создава шеми во мислите. Популаризирана е во 1994 година кога, по долгото играње „Тетрис“, и децата и возрасните лежеле будни и сѐ уште гледале како паѓаат форми во темнината…

Тоа е нешто што се случува и ден-денес. Па, не грижете се, не сте единствените што мислат дека зградите совршено си одговараат или чиј мебел мора да биде подреден во совршена линија.

Долгогодишната љубов на Пажитнов кон загатките и игрите го инспирирала да го создаде „Тетрис“ во слободното време додека работел како компјутерски програмер. Но, на неговата творба ѝ било потребно име и дел од него потекнува од најмалку веројатното место – од тенисот.

„Тетрис“ позајмува еден дел од името од логичката игра „Пентамино“, во која 5 форми со големина на коцка се подредуваат во мрежа.

„Тетрис“ користи 4 форми со големина на коцка, па Пажитнов го променил „пента“ (5) во „тетра“ (4.) Потоа го комбинирал ова со неговата љубов кон тенисот, додавајќи „-ис“ на „тетра“ и создавајќи го терминот „Тетрис“, што претставува вистински обожавателски потфат.

„Тетрис“ буквално ги однесе преносливите игри на ново ниво со тоа што ја напушти планетата во 1993 година и стана првата видеоигра играна во вселената.

За ова признание е заслужен рускиот астронаут Александар А. Серебров кој, за време на својата последна мисија, станал првиот човек кој играл видеоигра во вселената. Го избрал „Тетрис“ на неговиот Game Boy за да му прави друштво на патувањето. Се надеваме дека спакувал доволно батерии за по пат.

Можеби не го сметате „Тетрис“ за е-спорт, но сега има прилично натпреварувачки дух, благодарение на Хари Хонг. Во 2009 година, Хонг стана првиот играч кој го достигна максималниот резултат на играта, освојувајќи најдобар резултат од 999.999 поени на NES.

Ова достигнување создало ефект на снежна топка во натпреварувачкото играње „Тетрис“, што довело до повеќе турнири меѓу мајсторите за „Тетрис“.
Подемот на е-спортот „Тетрис“ го поттикнале документарците и појавата на жестоките заедници за мултиплеер, што најпосле довело до масовните игри како „Тетрис 99“.