Најдобрите игри за 2025 година

Ви ги претставуваме најдобрите игри на Google Play за 2025 година. Победниците, внимателно избрани од нашиот уреднички совет, се игрите што не смеете да ги пропуштите годинава. Станува збор за доживувања што ги поместуваат границите, го прикажуваат најдоброто од заедницата и докажуваат дека нема ништо подобро од тоа да може да ги играте омилените игри онаму каде што сакате – на мобилен, таблет, па дури и на компјутер.

Сметаме дека Pokémon TCG Pocket се надмина себеси, испорачувајќи автентична верзија на физичката игра со карти и задржувајќи го притоа задоволството од собирањето карти. Од фрлање парички до отворање пакетчиња со засилувачи, нејзините добро дизајнирани ефекти додаваат забележлива тежина и текстура и овозможуваат живописно тактилно искуство што му вдахнува живот на целото доживување.

Pokémon TCG Pocket го користи до максимум својот дигитален формат за да понуди исклучително пристапно и подобрено доживување, благодарение на кое играта со карти влегува во нова ера од нејзината историја ‒ и за тој колосален потфат, ја добива наградата за најдобра игра за 2025 година.

Да се излезе на тркачката патека во Disney Speedstorm е вистинско адреналинско уживање, независно од тоа како ќе одлучите да играте. Без разлика дали се работи за чувството на возбуда од тркањето низ култни локации (како Candy Kingdom од Wreck-It-Ralph или Arendelle од Frozen) или за респонзивноста на контролите дури сечете свиоци и заобиколувате противници, овде сѐ е оптимизирано за совршено играчко искуство – на компјутер, таблет или телефон.

Функциите вградени во Disney Speedstorm, како што се можноста за играње и зачувување напредок на повеќе уреди, заедно со целокупната изведба на различни платформи, нѐ освоија на јуриш (во духот на нејзиното име!) и ѝ ја донесоа наградата „Најдобра игра за повеќе уреди“ за годинава.