Lojëra për zhvillues premtues lojërash

Imagjino sikur të mos duhej të përballeshe asnjëherë me ndjesinë e bukur e të hidhur të përfundimit të nivelit të fundit në një lojë të dashur. Kështu ndodh me këto platforma novatore që i nxitin lojtarët të dizajnojnë dhe të ndajnë krijimet e tyre me veglat e integruara të modifikimit. Shijo morinë e niveleve dhe minilojërave të gjeneruara nga përdoruesit ose shfrytëzo krijimtarinë tënde.

Ajo që është gjeniale në këtë lojë tërheqëse të stilit arcade është se çdo gjë që luan ti është ndërtuar me vetë veglën e krijimit të lojës. Mund të mësosh bazat për zhvillimin e lojës në modalitetin “Quest” ose të eksplorosh në modalitetet “Battle” dhe “Arcade”, të mbushura me lojëra të krijuara nga lojtarët e tjerë. Ka edhe një komunitet të dedikuar për zhvilluesit e rinj për të ndarë shënime.

Kjo platformë e guximshme ka mbi 90 nivele në fushatën e saj, si dhe një modifikues intuitiv nivelesh që të lejon të shkëlqesh me krijimtarinë tënde. Koncepti i Levelhead është se je pjesë e një kompanie futuristike transporti, kështu që mund të ndash nivelet që bën në tabelat e klasifikimit në "Departamentin e Marketingut". Sa më shumë të luajnë në to, aq më shumë do të ngjitesh në klasifikim.

Minecraft ka të bëjë plotësisht me ndërtimin e botës sate dhe, me pak krijimtari, mund të ndërtosh një përvojë plotësisht të re ose të rikrijosh lojën tënde të preferuar. Frymëzuar nga modifikimet e palëve të treta, Minecraft ka shtuar mjaft vegla personalizimi ndër vite, përfshirë paketa burimesh që ndryshojnë elementet e lojës, blloqe komandash kodimi dhe një treg për përmbajtjet e përdoruesve.

Dizajno hartën tënde të betejës së mbijetesës me modalitetin e ri krijues World of Wonder të lojës PUBG Mobile. Nga ishujt e deri te qiellgërvishtësit, mund të përcaktosh plotësisht mjedisin, armët dhe rregullat për betejën tënde ku fituesi i merr të gjitha. Kur të mbarosh, dërgo krijimin tënd për mundësinë për ta shikuar atë të publikuar në faqen e WoW që të mund ta luajnë të gjithë.

Shumë zhvillues premtues e nisin rrugën e tyre duke ndërtuar lojëra për Roblox. Disa lojëra të gjeneruara nga përdoruesit janë bërë edhe më të njohura se tituj të nivelit AAA në platforma të tjera. Megjithëse Roblox Studio, aplikacioni i dizajnit të lojës që përdor gjuhën ekskluzive të kodimit Lua, ofrohet vetëm në një PC ose Mac, mund të luash përsëri shumë përvoja në pajisjen tënde të preferuar.