Fáðu adrenalínkikk í þessum nýju bílaleikjum

Fyrir fólk sem elskar að keyra er ekkert jafn frelsandi og þræða vegina.

Þessir leikir henta hverjum sem er, hvort sem þín skilgreining á skemmtilegum akstri felur í sér að bruna eftir áhættubrautum eða rúnta eftir fallegum sveitavegum.

Spilaðu kappakstursleikinn og aktu með stíl í gegnum erilsamar borgir og rólegar sveitir. Akstursfærni og djarfar ákvarðanir hjálpa þér að sigra andstæðingana og næla þér fyrsta sætið.

Skrensaðu og sveigðu framhjá bílum, hindrunum og löggum í ævintýri í anda hasarmynda frá 8. áratugnum. Við höldum sérstaklega upp á úrvalið af gamaldags bílum og sveitaþorpum.

Undirbúðu þig fyrir spennuhlaðinn hasar þar sem þú kemur þér upp bílaflota sem kemst í mark á undan hinum. Í þessum leik sem gengur út á að safna spilum geturðu búið til sérhannaðan kappakstursspilastokk úr yfir 4000 keppnisbílum til að keppa í margvíslegum akstursáskorunum. Eftir því sem þú færð fleiri nýja bíla geturðu keppt á móti öðrum spilurum á malbiki eða í torfærum.

Spændu upp göturnar um allan heim með Mario og vinum hans á brautum sem eru innblásnar af raunverulegum stöðum. Gættu þín bara á banönunum!

Upplifðu heimsins hröðustu akstursíþrótt í leik með heillandi myndefni. Þegar þú ert ekki að keppa á móti sögufrægum ökuþórum geturðu nýtt tímann í að gera við, uppfæra og prófa sérhannaða bílinn þinn.