Finndu ást eða leyndardóma í stefnumótaleikjum

Það er aldrei að vita hvenær ástin blómstrar, hvort sem það er í dómssalnum eða handanheiminum. Hvort sem þú vilt stormasamt ástarsamband eða lífsförunaut bjóða þessir dásamlegu stefnumótaleikir upp á eitthvað við allra hæfi.

Leikurinn fer fram í sögulegum, fjölþjóðlegum draumaheimi. Sagan byggir á dulspeki og spádómum og mun höfða sérstaklega til þeirra sem kunna að meta hið dulræna. Auk aðalsögunnar er hægt að spila árstíðabundnar sögur og daglega smáleiki þar sem persónurnar koma fram.

Kannaðu allskonar ástarsögur, allt frá sígildum ástarævintýrum yfir í hverfula hrifningu. Fyrir þau sem vilja fjölbreyttari upplifun er hægt að velja úr afar fjölbreyttum persónum, fornafnavalkostum og samkynja samböndum.

Spjallaðu við vonbiðla í sýndarsímaviðmóti í þessum 30 daga stefnumótahermileik sem getur endað á ýmsa vegu. Á milli þess sem spjallað er geturðu tekið þátt í viðburðum og smáleikjum sem hafa áhrif á stefnumótaferlið.

Í þessum gagnvirka hermileik ertu skiptinemi í djöflaakademíunni og í kringum þig eru fallegir púkar. Notaðu forrit í símanum og hringdu í nýju kunningjana til að sjá hvort að það leiðir til einhvers meira. Passaðu að kveikja á tilkynningum til að missa aldrei af skilaboðum frá nýju aðdáendunum.

Í þessum myndræna skáldsöguleik þarftu að finna jafnvægið milli vinnu og einkalífs sem ungur aðstoðarmaður lögfræðinga í leit að ástinni í Stellis-borg. Um leið og þú rannsakar dularfullar tilviljanir í öllum nýlegum málum þarftu hugsanlega að berjast gegn tilfinningunum til samstarfsfélaganna.