Syno fitoren në këto lojëra me qitje plot aksion

Beteja epike mbijetese, ndeshje të ashpra me skuadra, kaos me zjarr të furishëm: zhanri i lojërave me qitje i ka të gjitha. Nga fushat e shkretuara të betejave e deri te qytetet e braktisura, arena jote është kudo në këto lojëra të zgjedhura të shkëlqyera me qitje.

Call of Duty Mobile e sjell me shkathtësi trashëgiminë legjendare të CoD në ekranin e vogël. Shijo një ndërthurje të betejave të mbijetesës, ndeshjeve deri në vdekje dhe modaliteteve bazë në vetë të parë, me përditësimet mujore të përmbajtjes që e rifreskojnë vazhdimisht lojën. Për veteranët e kësaj serie, hartat dhe armët e dashura nga historiku i serisë është e sigurt që do t'u falin nostalgji.

Nëse kërkon një lojë puriste me qitje për celular që nuk gjuan pa ndalim drejt objektivit, kjo mund të jetë përgjigjja jote. Nëpër modalitetet e saj të larmishme të lojës individuale dhe në skuadër, Guns of Boom i mban konstante betejat. Me hartat pa shumë hapësirë dhe rinisjet e shpejta, është e sigurt që adrenalina do të vazhdojë.

Nëse të pëlqejnë lojërat e shpejta me beteja mbijetese dhe opsione fantastike të personalizimit, Free Fire i ka të gjitha këto. Hidhu me parashutë në një tokë me pesëdhjetë lojtarë për ndeshje kaosi për dhjetë minuta, me automjete për të kaluar nëpër hartë me stil dhe me bimësinë për t'i kapur armiqtë në befasi me sulme të fshehta.

Critical Ops është loja për admiruesit e taktikave të skuadrave. I rrethuar nga një ambient i egër ushtarak, do të duhet të kesh parasysh çdo tingull dhe hap që bën për t'ia dalë me sukses. Ndeshjet për klasifikimin kërkojnë më shumë nga ti, ndërsa loja sociale ofron një ambient pa pasoja për të përmirësuar aftësitë e tua. Thjesht sigurohu që të presësh telin e duhur te bomba…

Një betejë mbijetese me ritëm të shpejtë që do të të mbajë në ankth, Farlight 84 është një ndërthurje emocionuese e kaosit dhe strategjisë. Zgjidh nga një larmi heronjsh me role të ndryshme dhe shfrytëzo aftësitë, automjetet me armatime dhe fuqinë masive të zjarrit për ta ndryshuar në çast rrjedhën e betejës. Krijo skuadrën tënde dhe hyr në Isle City ndërsa zbulon stilin tënd unik të lojës.