Leef jou drome in meesleurende simulasiespeletjies

Van die burgers van jou stad tot die kleur van jou gordyne, elke element het betekenis en is aanpasbaar in simulasiespeletjies. Of jy nou die perfekte wegbreek beplan of die apokalips bestuur, daar is ’n simulasie vir jou in hierdie handuitgesoekte versameling.

Met SimCity BuildIt kan jy hektaar na hektaar verlate grond in uitgebreide stede omskep. Optimeer die verkeer met slim straatuitlegte en vind ’n balans tussen ekonomie en industrie. Jy is betrokke by elke deel van stadsontwerp. Ten spyte van SimCity BuildIt se diepte, lewer dit steeds ’n hanteerbare ervaring met uitstekende tutoriale en advies vir elke stap.

Boerdery ontmoet stadsbestuur in hierdie simulasiespeletjie. Oes gewasse om ’n stabiele inkomstebron op te bou, myn vir artefakte, kommunikeer met ander lede van die gemeenskap, en dryf handel met ander lande vir eksklusiewe produkte. As jy nie lus het om alleen te speel nie, kan jy by ’n koöperasie aansluit en deelneem aan regattas deur take te voltooi vir belonings.

Daar is altyd ’n paar haakplekke wanneer jy saam met ’n geliefde huis opsit — maar nie in Pocket Love nie. Ervaar die opwinding soos jy jou droomhuis saam met die liefde van jou lewe bou, met prettige minispeletjies vir geldmaak tussendeur. En die toppunt – maak nie saak hoe jou klere of jou meubels lyk nie, jou geliefde is altyd daar met ’n glimlag.

Ná ’n kernapokalips is jy aan die stuur van ’n gemeenskap wat ondergronds skuil. Jy sal jou bewoners se gesondheid, veiligheid en tevredenheid bestuur – met soms minder en soms meer sukses. Vuurwarm spanning én kernbestraling bedreig jou gemeenskap en jy sal hulpbronne slim moet bestuur en moraal moet ondersteun om verkenners te lewer wat die woesteny kan oorleef.

Van moderne dorpshuise tot uitgestrekte villas, daar is ’n argitektuurvoorkeur vir almal. Ontdek jou eie smake in hierdie huisversieringspeletjie waar jy kreatief kan wees met binnenshuise en buitenshuise versiering van jou volgende droomeiendom. Wil jy jou huisversieringvaardighede afwys? Neem deel aan regstreekse uitdagings en vertoon jou styl, een wonderlike opknapping op ’n slag.