Gerðu drauma að veruleika í umlykjandi hermileik

Sérhvert atriði gegnir mikilvægu hlutverki og er auðmótanlegt í hermileikjum, hvort sem það eru íbúar í borginni eða liturinn á gardínunum þínum. Hvort sem þú hefur áhuga á að skipuleggja hið fullkomna frí eða stjórna samfélagi í kjölfar heimsendis geturðu fundið hermileik við þitt hæfi í úrvali okkar af sérvöldum leikjum.

SimCity BuildIt hvetur þig til að breyta auðum ökrum í líflegar stórborgir. Enginn hluti borgarskipulags er óviðkomandi, hvort sem það er að stjórna umferðinni með snjöllum vegaskiltum eða koma jafnvægi á hagkerfi og iðnað. Þrátt fyrir umfang leiksins skilar SimCity BuildIt auðskiljanlegri upplifun með frábærri leiðsögn og ráðgjöfum sem eru þér ávallt innan handar.

Í þessum hermileik mætast landbúnaður og borgarstjórnun. Uppskerðu til að byggja stöðuga tekjulind, grafðu upp forngripi, eigðu í samskiptum við bæjarbúa og verslaðu við önnur lönd til að fá sérstakan varning. Ef þú vilt ekki gera þetta upp á eigin spýtur geturðu tekið þátt í samstarfi eða keppnum með því að ljúka verkefnum til að fá fríðindi.

Það verða alltaf einhverjir árekstrar þegar maður flytur inn með ástinni sinni — en ekki í Pocket Love. Upplifðu spennuna við að skapa draumaheimilið með ástinni þinni ásamt því að spila skemmtilega smáleiki þar sem þú safnar peningum. Það besta af öllu er að maki þinn er alltaf til staðar með bros á vör, sama hvaða föt eða húsgögn þú átt.

Í kjölfar kjarnorkustyrjaldar ertu nú orðin(n) stjórnandi samfélags í neðanjarðarbyrgi. Þú þarft að hafa umsjón með heilsu, öryggi og hamingju samfélagsmeðlima — þrátt fyrir að aðstæðurnar takmarki það óhjákvæmilega. Óróleiki og geislavirkni ógna samfélaginu þannig að þú þarft að skapa snjöll úrræði og hafa staðfastan baráttuvilja til að fá könnuði sem geta lifað af í óbyggðunum.

Allir hafa sinn byggingarstíl, hvort sem það eru nútímaleg borgarhús eða glæst sveitasetur. Uppgötvaðu þinn smekk í þessum hönnunarleik sem gerir þér kleift að skapa verðandi draumaeignina þína að innan sem utan. Viltu sýna hönnunarhæfileika þína? Taktu þátt í áskorunum í beinni og sýndu þinn stíl með einni framúrskarandi endurnýjun í einu.