ਲਗੇ ਰਹੋ ਮੁੰਨਾ ਭਾਈ 2006 ਵਿੱਚ ਰਿਲੀਜ ਕੀਤੀ ਗਈ ਇੱਕ ਭਾਰਤੀ ਹਾਸਰਸੀ ਫ਼ਿਲਮ ਹੈ। ਇਸਦਾ ਨਿਰਦੇਸ਼ਕ ਰਾਜਕੁਮਾਰ ਹਿਰਾਨੀ ਹੈ, ਅਤੇ ਨਿਰਮਾਤਾ ਵਿਧੂ ਵਿਨੋਦ ਚੋਪੜਾ ਹੈ। ਇਹ ਫਿਲਮ 2003 ਵਿੱਚ ਬਣੀ ਫਿਲਮ ਮੁੰਨਾ ਭਾਈ ਐਮ.ਬੀ.ਬੀ. ਐੱਸ ਦੇ ਰਾਹ ਤੇ ਚਲਦੀ ਹੈ, ਜਿਸ ਵਿੱਚ ਸੰਜੇ ਦੱਤ ਮੁੰਬਈ ਦੇ ਇੱਕ ਅੰਡਰ ਵਰਲਡ ਡੋਨ ਦੀ ਭੂਮਿਕਾ ਨਿਭਾਉਂਦਾ ਹੈ। ਲਗੇ ਰਹੋ ਮੁੰਨਾ ਭਾਈ ਵਿਚ ਮੁੱਖ ਪਾਤਰ ਮਹਾਤਮਾ ਗਾਂਧੀ ਦੀ ਆਤਮਾ ਦਿਖਾਈ ਦਿੰਦੀ ਹੈ l ਗਾਂਧੀ ਨਾਲ ਪਰਸਪਰ ਸੰਪਰਕ ਵਿੱਚ ਆਉਣ ਤੋਂ ਬਾਅਦ ਮੁੰਨਾ ਭਾਈ ਗਾਂਧੀਗਿਰੀ ਦਾ ਆਭਿਆਸ ਸ਼ੁਰੂ ਕਰਦਾ ਹੈ।