जोधा अकबर हा २००८ साली प्रदर्शित झालेला एक हिंदी चित्रपट आहे. आशुतोष गोवारीकर निर्मित व दिग्दर्शित ह्या चित्रपटामध्ये हृतिक रोशन व ऐश्वर्या राय ह्यांच्या प्रमुख भूमिका आहेत. ह्य चित्रपटाची कथा मुघल सम्राट अकबर व हिंदू राजपूत युवराज्ञी जोधाबाई ह्यांच्या प्रेमकथेवर आधारित आहे. जोधा अकबरच्या निर्मितीसाठी गोवारीकर चमूने अनेक इतिहासकारांची मदत घेऊन मोठ्या प्रमाणावर संशोधन केले होते. ह्या चित्रपटाच्या शूटिंगची सुरुवात कर्जत येथे झाली. ए.आर. रहमानने संगीतबद्ध केलेल्या ह्या चित्रपटाचे संगीत देखील हिट झाले.