ഗോവ

2010 • 164 മിനിറ്റ്

ഈ സിനിമയെക്കുറിച്ച്

2010-ൽ പുറത്തിറങ്ങിയ തമിഴ് റൊമാൻറിക് കോമഡി ചലച്ചിത്രമാണ് ഗോവ. കഥയും സംവിധാനവും നിർവ്വഹിച്ചത് വെങ്കട് പ്രഭു ആണ്. അദ്ദേഹത്തിൻറെ മൂന്നാമത്തെ ചിത്രമാണ്. മുൻപ് വിജയിച്ച് ചലച്ചിത്രങ്ങളിലെ താരങ്ങൾ തന്നെയാണ് ഈ ചലച്ചിത്രത്തിലും പ്രധാന വേഷങ്ങൾ അഭിനയിച്ചത്. ചില തമിഴ് ചലച്ചിത്രങ്ങളിലെ കഥാപാത്രങ്ങളും ഗീതങ്ങളും ഈ ചലച്ചിത്രത്തിലേക്ക് കടമെടുത്തിട്ടുണ്ട്. ഇതാണ് ഈ ചലച്ചിത്രത്തിൻറെ മറ്റൊരു പ്രത്യേകത. സിലമ്പരസൻ, നയൻതാര, പ്രസന്ന എന്നിവർ അതിഥി വേഷങ്ങളിലുണ്ട്.
രാമരാജൻ, വിനായകം, സാമിക്കണ്ണ് എന്നീ മൂന്നു ചെറുപ്പക്കാരുടെ യാത്രയും അവർ ചെന്നു പെടുന്ന കുരുക്കുകളുമാണ് ഈ ചിത്രത്തിൻറെ പ്രമേയം. തങ്ങളുടെ ഗ്രാമത്തിൽ നിന്ന് സൌഭാഗ്യം തേടി അവർ ഗോവയിലെത്തുന്നു. തുടർന്ന് സംഭവിക്കുന്ന കാര്യങ്ങളാണ് ചിത്രത്തിലുടനീളം. ഗോവയും തമിഴ്നാട്ടിലെ പന്നാപുരവുമാണ് ഷൂട്ടിങ്ങ് ലൊക്കേഷനുകൾ. എ സർട്ടിഫിക്കേഷനാണ് ചിത്രത്തിന് സെൻട്രൽ ബോർഡ് ഓഫ് ഫിലിം സർട്ടിഫിക്കേഷൻ നൽകിയത്. 2010, 29 ജനുവരിയിൽ ചിത്രം തിയേറ്ററുകളിലെത്തി. നല്ല പ്രതികരണമാണ് ചിത്രത്തിന് ലഭിച്ചത്.