Raya og síðasti drekinn úr smiðju Walt Disney Animation Studios gerist í ævintýraveröldinni Kúmöndru þar sem menn og drekar lifðu áður fyrr í sátt og samlyndi. En þegar mikil ógn steðjaði að ríkinu ákváðu drekarnir að fórna sér til bjargar mannkyninu. Nú, 500 árum síðar snýr hinn forni ógnvaldur aftur og Raya þarf upp á eigin spýtur að finna hinn goðsagnakennda síðasta dreka til að sameina á ný hið sundraða ríki og íbúa þess. En í leiðangri sínum lærir Raya að það þarf meira en einn dreka til að bjarga heiminum – það krefst ekki síður trausts og samvinnu. Í Raya og síðasti drekinn kynnumst við Rayu, bardagakappa sem er jafn skörp og sverðsblaðið hennar og goðsagnakennda drekanum Sisu, sem býr yfir töframætti en skortir hinsvegar trú á sjálfa sig. Af öðrum persónum má nefna hinn 10 ára frumkvöðul Boun sem hefur einstaka hæfileika til að lifa af, ógurlegan risa að nafni Tong og þjófótta smábarnið hana Nóu litlu og kattaskrímslin hennar.