Gustong ayusin nina Janine (Janelle Tee) at Christian (Benz Sangalang) ang mga problema nila sa kanilang relasyon. Kaya naman tumakas muna sila sa siyudad at magpupunta sa isang isolated beach house na pagmamay-ari ng kanilang kaibigan, at inaalagaan ng mag-asawang Rading at Elena. Ngunit lingid sa kanilang kaalaman, may isa pang guest sa beach house--si Leo (Felix Roco), ang pamangkin ni Elena na isang engineer sa Middle East at sandaling nagbabakasyon. Sa umpisa pa lang ay hindi na gusto ni Janine si Leo, dahil may kutob ito na delikadong tao si Leo. Tuso at mapaglaro si Leo. Hinihikayat niya ang kahit na sino para sa sarili niyang kaligayahan. Ang hindi nila alam, unti-unti na silang nahuhulog sa patibong ni Leo.