Æddu um heiminn með viðstöðulausum hlaupaleikjum

Reyndu á úthaldið í endalausum sprettum til að storka örlögunum með þessu hágæðaúrvali hlaupaleikja. Hvort sem þú brunar um breiðstræti, skýst um neðanjarðar eða smeygir þér um frumskóginn skilurðu eftir þig rykslóð með snöggum viðbrögðum og fimlegum tilþrifum.

Rjúfðu hljóðmúrinn með Sonic í þessum endalausa hlaupaleik þar sem hraðinn ræður öllu. Rjúktu í gegnum hindranir og safnaðu hringjum þegar þú berst gegn ofurvaldi illræmdra stjóra eins og Dr. Eggman og Zazz. Til viðbótar við að standa frammi fyrir gömlum óvinum geturðu búist við því að vinir, eins og Tails og Knuckles, komi til leiks.

Í þessum klassíska endalausa hlaupaleik stýrirðu lestum, vögnum og tálmum þegar þú þýtur eftir neðanjarðargöngum. Safnaðu aukakrafti eins og þotubakpokum og ofurskóm til að hjálpa þér að sleppa frá varðstjóranum. Þú getur notað myntirnar sem þú vinnur þér inn á hlaupunum til að leysa nýjar persónur úr læðingi, taka svifbretti úr lás og meira til.

Sveigðu fram hjá hindrunum og truflandi umferð þegar þú hleypur til að ná í skottið á þvottabjarnarbófum og safna saman slóð af stolnu gulli sem þeir skilja eftir. Þegar þú brunar niður götuna eða flýgur um himininn skaltu safna aukakrafti til að dúndra upp hraðann. Því meira gulli sem þú safnar þeim mun meira geturðu byggt við húsið hans Toms, leyst nýjar persónur úr læðingi og tekið kort úr lás.

Renndu þér niður sviflínur, stökktu yfir brotnar brýr, fikraðu þig eftir hættulegum hamraveggjum og smeygðu þér undir lágar klettasyllur í þessum klassíska viðstöðulausa hlaupaleik. Safnaðu myntum sem verða á vegi þínum til að leysa nýjar persónur, umhverfi og uppfærslur úr læðingi, þegar þú keppir eftir skurðgoðinu.

Hjálpaðu Löru Croft að finna falda fjársjóði þar sem þú hendist með parkour-töktum yfir hættulegar hindranir og ferð í gegnum frumskóginn, yfir eyðimörkina og fjöllin. Safnaðu myntum á hlaupunum til að leysa úr læðingi uppfærslur sem auka á frammstöðuna, eins og forskot á hlaupum. Þegar þú ferð upp um flokk færðu ný hraðskreið farartæki, slæst við þjóðsagnapersónur og meira til.