Инспирирајте креативност и заедништво со Kachunkie

Како член на генерацијата создавачи 2023 на #YouTubeBlack Voices, Kachunkie гради заедница додека се справува со предизвиците со градење во Roblox. Придружете ѝ се додека зборува за своите омилени игри со симулации и како тие ја инспирираат креативноста и разновидноста во нејзината заедница.

Мислам дека е важно сите да може да создадат аватар или да видат лик што изгледа како нив додека играат видеоигри. Се надевам дека во индустријата за видеоигри наскоро ќе има поголема разновидност – тоа овозможува поголемо соживување и уживање во играњето.

За мене, „заедница“ претставува група луѓе кои имаат заеднички интерес или хоби. Моите видеа претежно се за Roblox, па љубовта на мојата заедница кон таа игра е она што нѐ зближува. Може да разговараме за неа и да ги споделуваме своите искуства.

Ми се допаѓаат игри што ми овозможуваат да ја истражувам и да ја изразувам мојата личност, а овие игри ми го овозможуваат токму тоа. Уживам да пробувам нови концепти, па дури и кога не успевам, затоа што така може да научам од искуството.

Roblox е онлајн гејмерска платформа во која корисниците може да создаваат свои игри и да уживаат во огромниот избор на игри создадени од другите корисници. Ми се допаѓа бидејќи таму е многу лесно да пронајдете заедница по ваша мерка. Бидејќи во апликацијата се вклучени многу игри, секогаш ќе имате нешто за играње.

Ја обожавам креативноста што ја поттикнува The Sims. Има огромен број опции за дизајнирање симпатични домови, облекување на вашиот Sim и многу повеќе. Освен тоа, навистина ми се допаѓа тоа што можам да направам ликот да личи на мене.

Во Episode, може да создавате сопствени визуелни приказни во многу жанрови, меѓу кои драма и романса. Како читател, може да го персонализирате вашиот аватар и да избирате од голем број завршетоци, со што вашето доживување при читањето ќе биде уникатно. Уживам во Episode бидејќи тоа е забавен и интерактивен начин за читање.