Игри со пукање меурчиња што прскаат од забава

Малку жанрови нудат брза, лесна и задоволителна забава како игрите со пукање меурчиња. Тие се релаксирачки, шарени и преполни со опции. Без разлика дали го освежуваат начинот на играње со нова механика или едноставно воведуваат иновации со нови локации, сигурно ќе уживате во нашиот избор на игри со пукање меурчиња.

Ако некогаш сте поминале покрај некое од кафулињата во светот на Pokémon и сте сонувале да отворите свое, време е да ви се оствари желбата. Поврзувајте ги иконите инспирирани од Pokémon во играва што е мешавина од игра со загатки и игра со пукање меурчиња додека соработувате со пријателчињата џебни чудовишта за да го послужите локалното население.

Придружете им се на омилените Angry Birds и забавувајте се пукајќи меурчиња. Еднаш засекогаш сопрете ги крадливите прасенца, така што ќе им ги распрснете меурчињата и ќе ги спасите слатките пиленца во авантурава со пукање меурчиња. Отклучувајте засилувања и нови начини за приспособување на птиците додека си задавате предизвици низ над 4.000 нивоа.

Следете ги авантурите на Stella додека ѝ помагате да го порази мачорот вештер Wilbur и да му ги спречи злобните планови. Уживајте во шарената, експлозивна вештерска забава со високи резултати додека распрснувате меурчиња со магичните засилувања.

Спречете го нападот на Red Baron и спасете ги пријателите на Woodstock, така што ќе им ги распрснете кафезите во форма на меурчиња. За среќа, во улога на Snoopy, ќе добиете дополнителна помош при пукањето меурчиња од другите ликови од Peanuts и ќе уживате во легендарниот победнички танц на Snoopy по секоја победа.

Ако сакате мачки, животинки и вкусни закуски, тогаш Simon’s Cat - Pop Time е совршена игра за вас. Mr. Potts ги зароби сите слатки животинки во својата градина, а мачката на Simon треба да ги спаси. Распрснувајте ги редовите меурчиња за да ги ослободите пријателите од градината кои се заробени во слаткава, забавна игра полна со забава со пукање меурчиња.