Lojërat me kafshëza: gjej mikun virtual të radhës

A nuk do të ishte e këndshme të kishe një mik në xhep? Pavarësisht nëse ideja jote e kafshëzës së përsosur është një kotele e këndshme apo një krijesë magjike, ne kemi atë që ti kërkon në këtë koleksion të shkëlqyer shoqëruesish virtualë.

Krijesat e vogla që nisën maninë e kafshëzave virtuale janë rikthyer dhe janë gati të shkojnë kudo me ty. Kujdesu për Tamagotchi në të gjitha fazat e jetës me më shumë mënyra për t'i përkëdhelur e për të luajtur me to se asnjëherë më parë.

Njihu me papagallin nervoz që ka nevojë për shoqëri dhe i pëlqen të shkruajë poezi. Vizito çdo ditë mikun tënd të ri shpend për një përvojë të këndshme që eksploron temat e vetmisë në një mënyrë të çuditshme, por të çiltër.

Ndërto, zbukuro dhe bëje Sky Island një strehë për macet dhe kafshët e tjera në këtë lojë me klikime. Me pamje vizuale të thjeshtëzuara dhe muzikë qetësuese, kjo lojë rekomandohet për të gjithë ata që dëshirojnë të çlodhen.

Nëse e adhuron salamandrën meksikane, gëzohu! Më në fund mund të ushqesh dhe të luash me kafshëzën tënde të vogël, madje dhe t'i vendosësh asaj kapela të vogla. Çlodhu dhe shijo lojëra e aktivitete të thjeshta të përshtatshme për të gjithë.

Kujdesu për kafshëzën tënde virtuale ndërsa kujdesesh edhe për veten. I trembur dhe i humbur, Amaru është larg shtëpisë dhe është në dorën tënde të zbulosh historinë e tij e të krijosh një lidhje ndërsa përfundon ushtrimet e kujdesit për veten. Kjo lojë është projektuar për të mbështetur shëndetin pozitiv mendor ndërsa ti krijon zakone të reja teksa kujdesesh për mikun tënd të ri virtual, Amaru.