Об электронной книге
༄༅། །བཞུགས་སྒར་གཞན་ཕན་བདེ་ལེགས་སྨན་ཁང་གི་མི་ལོ་ལྔ་བཅུའི་སྤྱི་ཚོགས་འཕྲོད་བསྟེན་ཞབས་ཞུའི་སྙན་སྒྲོན་འདི་ནི་སྐྱེས་བུ་སྒེར་ལ་མཚོན་ན་རྣམ་ཀུན་ང་ཚོས་ཐེག་པ་རིམ་འཛེགས་བཤད་པ་བཞིན་བདེ་ལེགས་སྨན་ཁང་འཛུགས་སྐྲུན་གྱི་ཐེག་པ་རིམ་འཛེགས་ཏེ་ཡར་རྒྱས་གོང་འཕེལ་ཇི་ལྟར་སོང་བའི་ལོ་རྒྱུས་ཤིག་ཡིན། འདི་ནི་ཚོགས་པ་གཅིག་ས་བོན་ནས་མྱུ་གུ་དང་། དེ་ནས་ཡལ་ག་དང་ལོ་འདབ། དེ་ནས་མེ་ཏོག་དང་འབྲས་བུ་ཇི་ལྟར་སྐྱེད་སྲིང་བྱེད་དགོས་པའི་དཔེ་མཚོན་བཟང་པོ་ཞིག་ཏུ་གྱུར་འདུག །ཡིག་འཇོག་གལ་ཆེན་དང་། བྱས་ཤེས་དྲིན་གཟོ། ཀུན་དང་མཐུན་འབྲེལ་ཇི་ལྟར་བསྐྱངས་ན་འབྲས་བཟང་ཇི་ལྟར་སྨིན་གྱི་ཡོད་པ། འཕྲོད་བསྟེན་གྱི་སློབ་གསོ་ཇི་ཙམ་གལ་ཆེན་པོ་ཡིན་པ། ལྷག་པར་དུ་དངོས་ཤུགས་གང་རུང་ན་གཞན་གནོད་གཞི་བཅས་སྤོང་བ་དང་། འདོད་ཆུང་ཆོག་ཤེས་ཀྱིས་ཀུན་ནས་བསླངས་ཏེ་གཞན་ཕན་བྱམས་བརྩེས་སྒྲུབ་དགོས་པའི་ལམ་སྟོན་རྨད་དུ་བྱུང་བ་ཞིག་འདི་ན་མཇལ་ལོ།།
ན་ག་སངས་རྒྱས་བསྟན་དར།
