喺意識形態方面,所謂自由民主及議會制度,最後亦淪為政客軍閥手中嘅幌子同遮醜布,或者只係一套純粹嘅「表面功夫」,作為赤裸裸權力鬥爭嘅藉口,權力仍然來自軍隊與及以暴力方式而獲取,「槍桿子出政權」從來都冇錯。
不過與此同時,一股全新嘅意識形態開始進入中華民族,就係來自俄國嘅共產主義及馬克思主義思潮,隨住1917年「十月革命」成功,世界上首次出現咗一個共產主義政權國家,全世界無產階級工人階級得到強大鼓舞,因為夢想終於響列寧及托洛斯基手中成為現實。亦因世界革命嘅理想,中國共產黨於「第三國際」支持下喺1921年成立,當時嘅中共係一個主要由年青人及高級知識分子組成、充滿活力嘅初生政黨,共產主義思潮迅速喺中國壯茁發展,本冊亦會加以詳細敘述。
常威,真身不現,筆名常威,人稱KOL常公子,