Diario do ano da peste

Daniel Defoe

Oct 2022 · Editorial Galaxia

About this ebook

É Daniel Defoe un dos maiores inventores da lingua inglesas, dicía o tamén escritor Anthony Burgess, e así o demostra neste estarrecedor relato novelado do andazo de peste que asolou Londres e a súa contorna entre 1664 e 1666, e ao que, sendo un neno de cinco anos, sobreviviu. Percorren as conmovedoras páxinas deste libro exemplos de humanidade e solidariedade daqueles que se sacrifican polos demais, como tamén daqueloutros miserables que se aproveitan da desgraza allea en tan terribles circunstancias. Heroes, negacionistas, viláns, rexoubeiros e acaparadores pululan nunha dramática narración que hoxe, tras a pandemia que vivimos, está máis de actualidade que nunca, e que volve demostrar que a condición humana pouco mudou co paso dos séculos. Traducido por Xesús Fraga

About the author

(Londres 1660-1731) clérigo fracasado, viaxeiro incansable, poeta, espía, revolucionario, panfletista e comerciante de panos e tixolos. A súa vida ben podería dar para unha novela de aventuras como as que escribía, mais pasou á historia da literatura universal polo seu clásico Robinson Crusoe, unha novela de éxito inmediato xa no seu tempo. Da súa produción literaria destacan Moll Flanders (1722), considerada a primeira novela social da literatura inglesa, Historial xeral dos piratas (1724), obra de referencia sobre a piratería, e Memorias dun cabaleiro (1720), novela histórica sobre a Guerra dos Trinta Anos.

Naceu en Londres, pero dende moi neno viviu na Coruña, e logo en Betanzos. Estudou xornalismo en Salamanca e traballa desde hai moitos anos en La Voz de Galicia. Entre as súas obras destacan títulos como O elefante Branco. A-Z ou Salimán. Unha das súas afeccións é o mundo da cociña, sobre a que publicou 50 receitas con amoras e outros froitos silvestres. Como tradutor trouxo para o galego libros como Lolita, de Vladimir Nabokov, ou Arthur & George, de Julian Barnes.