Roger de Santes Creus ye un monche que tien una intresán istoria que rezentar ta liberar a suya conzenzia. Pertenexe a o Zíster e ye destinau como copista en o monesterio de Bergüela (Semontano d’o Moncayo) aon ha de fer-se cargo d’a educazión de Rodrigo, fillo segundón d’o comandán de l’arzebispe de Tarazona. A bida en o Semontano ye tranquila dica que l’arzebispe dezide acullir a un trobaire oczitán. Monche, aluno e caballer ferán gran amistanza. Bel diya o trobaire se namora de doña Nunila, promesa de don Artal de Borxa, e comenzipian os poblemas que rematarán en una baralla entre as tropas de don Artal e las d’os atros nobles d’a redolada. L’amor, a balura, l’amistanza e a locura son os exes arredol d’os cualos chira l’aizión d’ista istoria.