Ikja e Pellumbave

Viktor Canosinaj

pro 2014. · Booktique.al

O ovoj e-knjizi

Gjatë trazirave të vitit 1997, kur shteti u shpërbë dhe depot e armëve u hapën, me miliona armë të të gjitha llojeve ranë në duart e shqiptarëve. Sipas shifrave zyrtare të Ministrisë së Shëndetësisë, nga lëndët shpërthyese dhe vrasjet aksidentale humbën jetën 46 fëmijë shqiptarë, ndërsa 1232 fëmijë të tjerë u plagosën. Nga këta, 520 kanë mbetur të gjymtuar. Vetëm në rrethin e Gramshit humbën jetën 20 fëmijë, në shumicën e rasteve për shkak të shpërthimit të bombave. Nga humbja e të dy apo njërit prej prindërve, mbetën jetimë rreth 1000 fëmijë, të cilët jetojnë ende në një gjendje të vështirë ekonomike.

Për shkak të mbajtjes së pakujdesshme të armëve nëpër shtëpi, fëmijët kanë kryer me to shumë vrasje të pandër- gjegjshme të të afërmve të tyre. Bile njëri prej tyre, duke luajtur “Luftash”, vrau nënën e tij, e cila po gatuante në kuzhinë.

Gjatë vitit 1997, nën drejtimin e të rriturve, fëmijët u përfshinë jo vetëm në marrjen, mbledhjen dhe transpor- timin e armëve të ndryshme, por edhe në tregtimin e tyre për qëllime fitimi.

Sidomos muaji mars i vitit 1997 ka lënë pasoja shumë të rënda në formimin psikologjik të fëmijëve shqiptarë. Vetëm në lagjen Kombinat të Tiranës janë regjistruar për të kërkuar ndihmë mjekësore për shkak të traumatizimit 30 % e fëmijëve. Sipas një përllogaritjeje, nga 34.000 fëmijë që kishte Tirana atë vit, 27.000 prej tyre kishin nevojë për ndihmën e psikologut, për të larguar tronditjen e pësuar.

 (Marrë nga shtypi shqiptar i kohës)