Dolphin - Gujarati eBook

Jules Verne

Apr 2013 · R R Sheth & Co Pvt Ltd

About this ebook

જૂલે વર્નની કૃતિ 'ડોલ્ફિન' ૧૮૬૧થી ૧૮૬૫ સુધી અમેરિકામાં થયેલા ભયંકર ગૃહયુદ્ધના સમયને ધ્યાનમાં રાખીને લખાઈ છે. અમેરિકાના તે સમયના ઇતિહાસ તથા તે સ્થળની ભૂગોળના પરિપ્રેક્ષ્યમાં સાહસ અને પ્રેમની આ શ્રેષ્ઠ કથાનું આલેખન થયું છે. ૧૬મી સદીથી જ યુરોપના કેટલાક દેશો દ્વારા આફ્રિકી ગુલામોનો વેપાર અમેરિકામાં થતો હતો. ૧૭૭૬માં અમેરિકાની આઝાદી બાદ એક આખો વર્ગ આ ગુલામીપ્રથાની નાબૂદી ઇચ્છતો હતો. આખરે ૧૮૬૧માં અમેરિકાના ૧૬મા પ્રમુખ અબ્રાહમ લિંકને સત્તા પર આવતા વિધિવત ગુલામી નાબૂદી ધારાની જાહેરાત કરી. ઉત્તરના રાજ્યોની અમેરિકી સરકાર ગુલામીપ્રથા નાબૂદીના અમલમાં સફળ રહી, પરંતુ તેની કિંમત પ્રમુખ અબ્રાહમ લિંકને પોતાના જાનથી ચૂકવવી પડી હતી. ૧૮૬૫માં લિંકનની હત્યા થઈ ત્યારે બંધારણ અને કાયદાઓ મુજબ તો ગુલામી નાબૂદ થઈ હતી. છતાં શ્વોત અને અશ્વોતો વચ્ચેના ભેદભાવ આજે ૧૫૦ કરતા પણ વધુ વર્ષે સંપૂર્ણ રીતે મટી ગયો છે એમ કહી શકાય નહીં. જૂલે વર્નની આ નવલમાં અંગ્રેજોની લાલચુ વેપારીવૃત્તિના દર્શન પણ ખૂબ સારી રીતે થયા છે. આર્થિક લાભ ખાતર કંઈ પણ કરી છૂટવાનું અંગ્રેજ પ્રજાનું માનસ આ નવલમાં જૂલે વર્ને ખૂબ જ સારી રીતે ગૂંથી લીધું છે. 

Ratings and reviews

It's amazing

About the author

ફ્રેન્ચ વિજ્ઞાનકથા-લેખક "જૂલે વર્ન'નું નામ સાંભળતાં જ ભાવક એક જુદો જ રોમાંચ અનુભવતો થઈ જાય છે! એમણે માત્ર વિજ્ઞાન કથાઓ જ નહીં, પણ દિલધડક સાહસોથી ભરપૂર એવી સાહસ-કથાઓ અને પ્રચંડ ઝંઝાવાતોનો સામનો કરતી પ્રવાસકથાઓ પણ લખી છે. બ્રહ્માંડમાં તેમજ દરિયાઈ પેટાળમાં જળવાયેલાં રહસ્યોનો તાગ પામવા જૂલે વર્ને પોતાનાં પાત્રો પાસે જે પરાક્રમો અને સાહસો કરાવ્યાં છે એ એટલાં વિઝ્યુલાઈઝ થાય છે કે પુસ્તક વાંચ્યા પછી તમે એની રોમાંચકતાભરી અસરમાંથી બહાર નીકળી નહીં શકો. જૂલે વર્નની પ્રત્યેક કથાઓમાં વિસ્મય અને કુતૂહલની નવી નવી ક્ષિતિજો ખૂલતી જ રહે છે. આજ તો તેની કથાશૈલી અને લોકપ્રિયતાની સિદ્ધિ છે! જૂલે વર્ન માટે એવું કહેવાય છે કે ભવિષ્યમાં બનનારી કેટલીક વિચિત્ર ઘટનાઓનો એને અણસાર આવી જતો હતો. વિશ્વપ્રસિદ્ધ 'ટાઈટૅનકિ' દુર્ઘટનાના પચાસ વર્ષ પહેલાં તેમણે એવા જ એક વિશાળકાય જહાજની કરુણાંતિકા દર્શાવતી કથા આલેખી હતી. આવો યોગાનુયોગ તો એની મોટા ભાગની કથાઓમાં જોવા મળે છે. કદાચ એટલા માટે જ એમને વિજ્ઞાનસાહિત્યના ઋષિ તરીકે ઓળખવામાં આવે છે.