PRIMVM MOBILE ERAS. OSVVALDI SCHRECKENFVCHSII, HOC EST, ABSOLVTA ET PERFECTA IN TABVLAS DIRECTIONVM IOannis de Monteregio, & Georgij Purbachij, Lucaeq ue Gaurici additiones, Commentaria: Sunt autem Theoremata seu Propositiones numero LXX. quas dupliciter omnes demonstrat, Primo Geometricè, deinde exemplari calculo. Opus omnibus Mathematum studiosis utilissimum, & totius syderalis scientiae fundamentum. Nam praestat perfectam utriusq ue Sphaerae materialis, tam solidae quam in planum projectae, & omnium praeterea instrumentorum Astronomicorum, cognitionem. Praeterea, non solum usum omnium tabularum Primi Mobilis, sed qua ratione omni loco & tempore, etiam his amissis uel antiquatis nouae huiusmodi confici possint, dilucide exponit. Deinde, continet praesens Opus perfectam doctrinam sinuum, tabularum usum, illustratq ue ea quae passim de subtensis in circulo lineis rectis referuntur, quo nihil praestantius & ingeniosius, hactenus in hoc studiorum genere inuentum est. Postremo, adiecimus ex Luca Gaurico doctrinam Sinuum & Arcuum in gratiam tyronum