‘शेलका साज’ हा शिवाजी सावंतांच्या निवडक ललितलेखांचा संग्रह. संपूर्ण लेखसंग्रहात सावंतांवर असणारा शिवरायांच्या व्यक्तिमत्त्वाचा प्रभाव ठिकठिकाणी जाणवतो पण असे असले तरी इतरही अनेक विषयांचा आढावा हे लेख घेतात. निरनिराळी व्यक्तिमत्त्वे उलगडून सांगताना लेखकाचा सखोल अभ्यास जाणवतो. प्रत्येक व्यक्तिमत्त्वाकडे बघण्याचा निराळाच दृष्टिकोन सावंत वाचकाला देतात. यात कुसुमाग्रज, शिवकाळातील मावळा, औरंगजेब, शिवराय श्रीकृष्ण अशा अनेक व्यक्तिमत्त्वांची उकल ते करताना दिसतात. शिवकालीन मावळ्याचे वर्णन करताना त्याचा पेहराव, त्याचं सैन्यातलं स्थान, लढाई तंत्र, आहार आणि रांगडी राकट भाषा या सगळ्यांचा लेखकाने केलेला सखोल अभ्यास जाणवतो. त्यांच्या वर्णनातून मावळ्याचे, हुबेहूब चित्र समोर उभे राहते. ‘साहित्य अश्वत्थ: कुसुमाग्रज’ या लेखात त्यांच्या आणि कुसुमाग्रजांच्या आठवणींना त्यांनी उजाळा दिला आहे. ऐतिहासिक ललितलेखनासाठी आवश्यक असणाNया गोष्टींची त्यांनी सविस्तर चर्चा केली आहे. इतिहासातील प्रसंग बोलके, जिवंत करताना उपलब्ध पुरावे योग्य पद्धतीने साधणे आवश्यक आहे असे मत ते मांडतात ‘महाभारत जीवनाचा आरसा’ या लेखात ते म्हणतात की मानवी जीवनाला आरसा दाखवील असा दुसरा ग्रंथ जगात नाही. जीवनाला व्यापून टाकणारे तत्त्वज्ञान महाभारतात सांगितले आहे
This is a collection of creative writing from the author of the best seller, 'Mritinjaya'.