Samagra Lok Vyavhar (Marathi): Maitri Aani Nata Nibhavnyachi Kala

Sirshree

ਅਗ 2017 · WOW PUBLISHINGS PVT LTD

ਇਸ ਈ-ਕਿਤਾਬ ਬਾਰੇ

लोकव्यवहार निवडीचं स्वातंत्र्य आपल्याच हातात…

मनुष्य आपला व्यवहार स्वतः निवडू शकत नाही, हे आश्चर्यच नव्हे का? त्याचं वागणं सदैव इतरांवर अवलंबून असतं. जसं, “तो माझ्याशी चुकीचा वागला म्हणून मीदेखील त्याला अपशब्द वापरले… त्याने माझा अपमान केला म्हणून माझा राग अनावर झाला…’ अशा गोष्टी आपण नेहमीच ऐकतो, बोलतो. याचाच अर्थ, समोरचा मनुष्य आपल्याकडून त्याला हवा तसा व्यवहार करून घेऊ शकतो. म्हणजेच खरंतर आपण बंधनात आहोत. परंतु या बंधनातून मुक्त होण्यासाठीच आपल्याला लोकव्यवहाराची कला आत्मसात करायला हवी. प्रस्तुत पुस्तकात आपण शिकाल-

* व्यवहार निवडीचं स्वातंत्र्य आणि त्यावर मार्गक्रमण करण्याचं रहस्य
* सर्वोच्च व्यवहार कधी आणि कसा करावा
* मधुर नातेसंबंधासाठी लोकव्यवहाराची योग्य पद्धत
* मैत्री जपण्याची कला
* चार प्रकारचं व्यवहार ज्ञान
* योग्य वेळी योग्य व्यवहार कसा करावा
* समग्र व्यवहार शिकण्याची पद्धत
* दुःख आणि वेदना यांमध्ये योग्य प्रतिसाद कसा द्यावा

प्रस्तुत पुस्तक म्हणजे समग्र जीवनाची गुरुकिल्लीच! हे आपल्याला मैत्री, मधुर नातेसंबंध आणि समग्र लोकव्यवहाराच्या कौशल्यरूपी खजिन्याचं कुलूप शिताफीनं उघडायला शिकवेल..

ਲੇਖਕ ਬਾਰੇ

सरश्रींचा आध्यात्मिक शोध त्यांच्या बालपणापासूनच सुरू झाला होता. हा शोध सुरू असताना त्यांनी अनेक प्रकारच्या पुस्तकांचा अभ्यास केला. त्याचबरोबर आपल्या आध्यात्मिक शोधात मग्न राहून त्यांनी अनेक ध्यानपद्धतींचा अभ्यास केला. त्यांच्या या शोधाने त्यांना अनेक वैचारिक आणि शैक्षणिक संस्थांमध्ये जाण्यासाठी प्रेरित केले.

सत्यप्राप्तीच्या शोधासाठी जास्तीत-जास्त वेळ देता यावा, या तीव्र इच्छेने त्यांना, ते करत असलेले अध्यापनाचे कार्य त्याग करण्यास प्रवृत्त केले. जीवनाचे रहस्य समजण्यासाठी त्यांनी बराच काळ मनन करून आपले शोधकार्य सतत सुरू ठेवले. या शोधाच्या शेवटी त्यांना ‘आत्मबोध’ प्राप्त झाला. आत्मसाक्षात्कारानंतर त्यांना जाणवले, की सत्यापर्यंत पोहोचण्याच्या प्रत्येक मार्गांत एकच सुटलेली कडी (मिसिंग लिंक) आहे आणि ती म्हणजे ‘समज’ (Understanding).

सरश्री म्हणतात, ‘सत्यप्राप्तीच्या सर्व मार्गांचा आरंभ वेगवेगळ्या प्रकारे होतो, परंतु सर्वांचा शेवट मात्र ‘समजे’ने होतो. ही ‘समज’च सर्व काही असून, ती स्वतःच परिपूर्ण आहे. आध्यात्मिक ज्ञान प्राप्तीकरिता या ‘समजे’चे श्रवणसुद्धा पुरेसे आहे’ हीच ‘समज’ प्रदान करण्यासाठी सरश्रींनी ‘तेजज्ञानाची’ निर्मिती केली. तेजज्ञान ही आत्मविकासातून आत्मसाक्षात्कार प्राप्त करण्याची संपूर्ण ज्ञानप्रणाली आहे.

सरश्रींनी दोन हजारांहून अधिक प्रवचन दिले आहेत आणि सत्तरपेक्षा जास्त पुस्तकांची रचना केली आहे. ही पुस्तके दहापेक्षा अधिक भाषांमध्ये रूपांतरित केली गेली असून, पेंगुइन बुक्स, हे हाऊस पब्लिशर्स, जैको बुक्स, हिंद पॉकेट बुक्स, मंजुल पब्लिशिंग हाऊस, प्रभात प्रकाशन, राजपाल ऍण्ड सन्स इत्यादी प्रमुख प्रकाशन संस्थांद्वारा प्रकाशित केली गेली आहेत. सरश्रींच्या शिकवणीने लाखो लोकांच्या जीवनात परिवर्तन घडलं आहे. तसेच संपूर्ण विश्वाची चेतना वाढविण्यासाठी कित्येक सामाजिक कार्यांची सुरुवातही केली आहे.