పాలో కొయిలో జీవితం అతని పుస్తకాల ప్రేరణకు ప్రాథమిక వనరు. అతను మృత్యువుతో సరసాలాడాడు. పిచ్చితనం నుంచి తప్పించుకున్నాడు. మాదక ద్రవ్యాలతో చెలగాటమాడాడు. హింసను తట్టుకున్నాడు, మేజిక్, రసవాదంతో ప్రయోగాలు చేశాడు. తత్వశాస్త్రం, మతం గురించి అధ్యయనం చేశాడు. విస్తృతంగా చదివాడు. విశ్వాసాన్ని కోల్పోయాడు.మరలా తిరిగి పొందాడు. ప్రేమలో బాధను, ఆనందాలను అనుభవించాడు. ఈ ప్రపంచంలో తన స్వస్థలాన్ని వెదికే ప్రయత్నంలో ప్రతి ఒక్కరూ ఎదుర్కొనే సవాళ్లకు సమాధానాలు కనిపెట్టాడు. స్వంత గమ్యస్థానాన్ని కనుగొనడానికి అవసరమైనంత శక్తి అంతర్గతంగా మనలోనే ఉంటుందని విశ్వసించాడు. పాలో కొయిలో పుస్తకాలు 82 భాషలలోకి అనువదింపబడినాయి. మరియు 320 మిలియన్లకుపైగా కాపీలు 170కిపైగా దేశాలలో అమ్ముడు పోయాయి. 1998లో ఆయన నవల ఆల్కెమిస్ట్ కాపీలు 85 మిలియన్లకుపైగా అమ్ముడు పోయాయి. ఫారెల్ మిలియమ్స్, మలాలా యూసఫ్ జాయ్ వంటి విభిన్న మనస్తత్వాలు గల వ్యక్తులకి స్ఫూర్తిని కల్గించాయి పాలో కొయిలో రచనలు. ఆయన “బ్రెజిలియన్ అకాడెమీ ఆఫ్ లెటర్స్” సభ్యుడు. చెవాలియర్ డిఎల్ ఓర్డ్రే నేషనల్ డెలా లెజియన్ డి హోన్నూరు పొందారు. 2007లో “యునైటెడ్ నేషన్స్ మెసెంజర్ ఆఫ్ పీస్”గా గుర్తింపు పొందారు.