About this ebook
वि.स. खांडेकरांचा पंचाहत्तर रूपककथांचा हा आणखी एक संग्रह.’कलिका’, ’मृगजळातील कळ्या’ व ’सोनेरी सावल्या’ या आधीच्या पुस्तकांचं हे नवं भावंड आहे.रूपककथा हा गद्यस्वरूपात प्रकट झालेला अत्यंत तरल असा काव्याविष्कार असतो.मोजक्या व नेमक्या शब्दांच्या साहाय्यानं वातावरणनिर्मिती करायची. वेचक; परंतु चमत्कृतिजनक अशा कल्पनांनी सौंदर्य खुलवायचं आणि हे साधत असतानाच विचार आणि भावना यांना आवाहन करून वाचकाला खर्‍याखुर्‍या जीवनाचा आणि जीवनमूल्यांचा साक्षात्कार उत्कटतेनं घडवायचा, हा रूपककथेचा मूलस्रोत असतो.अन्योक्तीसारख्या भासणार्‍या रूपककथेची आत्मशक्ती असीम असते. तिचं सामर्थ्य सूचकतेनं; परंतु अचूक रीतीनं केलेल्या सत्यदर्शनात आहे.जगाच्या आणि समाजाच्या तोंडावरचे स्वार्थलंपटतेचे मुखवटे अंगभूत कौशल्यानं दूर करण्याचा प्रयत्न रूपककथा करीत असते.त्यामुळे अनेकदा ती तत्त्वकथाच वाटते.खांडेकरांचा म्हणून जो एक विशिष्ट वाचकवर्ग आहे, त्याला हा संठाह निश्‍चितपणे आवडेल; कारण खांडेकरांची सर्वच लेखनवैशिष्ट्यं या कथांतून प्रकर्षानं आढळून येतात.
